You are here

ᐱᔭᕆᐊᑭᒡᓕᑎᕆᓂᖅ

ᐱᔭᕆᐊᑭᒡᓕᑎᕆᓂᖅ

ᐱᒋᐊᕈᑎᖓ

ᑐᙵᓱᒋᔅᓯ ᑐᑭᓯᑎᑦᑎᒋᐊᕐᓂᕐᒧᑦ ᑲᒪᔩᑦ, ᐃᓕᓴᐃᔩᑦ ᐃᖅᑲᓇᐃᔭᖃᑎᒥᓄᑦ ᐊᒻᒪᓗ ᐱᓕᕆᐊᕐᒥᒃ ᑖᔅᓱᒥᖓ ᐊᐅᓚᑦᑎᔩᑦ!

ᐊᒥᓲᔪᓯ ᖃᐅᔨᒪᔪᒃᓴᐅᕗᓯ ᓄᓇᕘᒥ ᐃᓕᓴᐃᔩᑦ ᐱᒋᐊᕋᑖᖅᑐᑦ ᐱᓕᕆᐊᖓ (NTIP) ᐱᖓᓱᐃᓕᖅᑲᖓᓂᖃᐅᕐᒪᑦ ᐋᖅᑭᓱᖅᑕᐅᓯᒪᔪᑦ ᓄᑖᑦ ᐃᖅᑲᓇᐅᔭᖅᑏᑦ ᐃᑲᔪᖅᑕᐅᓂᐊᕐᒪᑕ: ᑖᓐᓇ ᐃᑭᐊᖅᑭᕕᒃ, ᐃᓕᓐᓂᐊᕐᕕᒻᒧᑦ ᐋᖅᑭᓱᖅᑕᐅᓯᒪᔪᖅ ᑐᑭᓯᑎᑦᑎᒋᐊᕐᓂᕐᒧᑦ ᑲᑎᒪᑎᑦᑎᓂᖅ ᐊᒻᒪᓗ ᐃᖅᑲᓇᐃᖃᑎᒥᓄᑦ ᐃᓕᓐᓂᐊᖅᑎᑕᐅᓂᖏᑕ ᐱᓕᕆᐊᖓ:

1)   ᓄᓇᕘᒥ ᐃᓕᓴᐃᔩᑦ ᐱᒋᐊᕋᑖᖅᑐᑦ ᐱᓕᕆᐊᖓᑕ ᐃᑭᐊᖅᑭᕕᖓ:ᑖᓐᓇ ᐃᑭᐊᖅᑭᕕᒃ ᓄᑖᕐᓂᑦ ᐃᖅᑲᓇᐃᔮᖅᑖᕋᑖᖅᑐᓄᑦ “ᓯᕗᓂᐊᒍᑦ ᑐᑭᓯᒋᐊᖅᑎᑕᐅᓚᐅᙱᓐᓂᖏᓐᓂᒃ” ᑐᓂᓯᔭᐅᓲᑦ ᑐᑭᓯᒋᐊᕈᑎᓂᑦ ᓄᑖᕐᒥᒃ ᐃᓕᓐᓂᐊᕐᕕᒻᒥ ᐃᖅᑲᓇᐃᔭᕐᕕᒋᓂᐊᖅᑕᖏᑕ ᒥᒃᓵᓅᖓᔪᓂᑦ ᐊᒻᒪᓗ ᓄᓇᓕᐅᔪᑦ ᒥᒃᓵᓅᖓᔪᓂᑦ, ᐊᒻᒪᓗ ᐃᑲᔪᕈᑕᐅᓪᓗᑎᑦ ᑕᑯᓂᐊᕈᓐᓇᕐᓗᑎᑦ ᐊᒻᒪᓗ ᐱᔭᕇᖅᓯᓗᑎᑦ ᐸᐃᑉᐹᖏᓐᓂᑦ ᐃᖅᑲᓇᐃᔮᖅᑖᕆᕋᑖᖅᑕᒥᓄᑦ.

2)   ᐃᓕᓐᓂᐊᕐᕕᒻᒥ−ᑐᙵᕕᓖᑦ ᑐᑭᓯᒋᐊᖅᑎᑦᑎᒍᑏᑦ: ᑐᓂᓯᓲᖑᒐᑦᑕ ᐊᑐᓂᑦ ᐃᓕᓐᓂᐊᕐᕕᐅᔪᓂᑦ ᑲᑎᖅᓱᖅᓯᒪᔪᓂᑦ ᐸᕐᓇᐅᑎᓂᑦ, ᐊᑐᓕᖅᑎᑦᑎᓲᖑᓪᓗᑕ ᐊᒻᒪᓗ (ᐃᓚᖏᓐᓄᑦ ᐃᓕᓐᓂᐊᕐᕕᓄᑦ) ᐱᐅᓯᕚᓪᓕᑎᑦᑎᒍᑎᓂᑦ ᑐᑭᓯᑎᑦᑎᒋᐊᕈᑎᖏᓐᓂᑦ ᑕᒪᐃᓐᓄᑦ ᐃᖅᑲᓇᐃᔮᖅᑖᕋᑖᑐᓄᑦ ᐊᒻᒪᓗ ᐅᑎᖅᐸᓪᓕᐊᔪᓄᑦ ᐃᖅᑲᓇᐃᔭᖅᑎᓄᑦ. ᐃᓕᓐᓂᐊᕐᕕᓂ ᑐᙵᕕᓕᒃ ᑐᑭᓯᑎᑦᑎᒋᐊᕈᑏᑦ ᑲᑎᖅᓱᖅᑕᐅᓯᒪᔪᑦ ᐋᖅᑭᓱᖅᑕᐅᕙᓪᓕᐊᕗᑦ ᒫᓐᓇ.

3)   ᐃᓕᓴᐃᔨᐅᖃᑎᒥᓄᑦ ᐃᓕᓐᓂᐊᖅᑎᑕᐅᓂᕐᒧᑦ ᐱᓕᕆᐊᖅ: ᑖᓐᓇ ᒪᕐᕉᖕᓄᒃ ᐊᕐᕌᒎᖕᓄᒃ ᐱᓕᕆᐊᖅ ᐃᖅᑲᓇᐃᔮᖅᑖᕋᑖᖅᑐᓂᑦ ᐱᓕᕆᖃᑎᖃᕆᐊᙵᖅᑎᑕᐅᓲᑦ ᐃᓕᓴᐃᔨᐅᖅᓴᔪᓂᑦ ᐃᓕᓐᓂᐊᖅᑎᑦᑎᔨᒋᓂᐊᕐᒪᒋᑦ ᐃᑲᔪᖅᑐᖅᑕᐅᓗᑎᑦ ᐃᖅᑲᓇᐃᔮᖅᑖᖅᑲᐅᒥᓂᒃ. ᑖᓐᓇ ᐃᓚᖓ ᓄᓇᕘᒥ ᐃᓕᓴᐃᔩᑦ ᐱᒋᐊᕋᑖᖅᑐᑦ ᐱᓕᕆᐊᖓᓂ ᐋᖅᑭᓱᖅᑕᐅᕙᓪᓕᐊᕗᖅ.

ᐱᓕᕆᐊᕐᒥᒃ ᐊᐅᓚᑦᑎᔨᐅᒍᕕᑦ, ᑖᓐᓇ ᐃᓚᖓ ᐃᓕᖕᓂᒃ ᑐᑭᓯᒋᐊᖅᑎᑦᑎᓂᐊᖅᑐᖅ ᐊᒻᒪᓗ ᐊᑐᕋᒃᓴᖕᓂᑦ ᐃᑲᔫᑎᓂᑦ ᑎᑎᕋᖅᓯᒪᔪᖃᐅᕐᓗᓂ ᐊᑐᕆᐊᖃᕋᔭᖅᑕᖕᓂᒃ ᑲᒪᒋᒍᓐᓇᖁᓪᓗᒋᑦ ᓇᓕᐊᑐᐃᓐᓇᐃᑦ ᐃᓗᓕᖏᑦ ᓄᓇᕘᒥ ᐃᓕᓴᐃᔩᑦ ᐱᒋᐊᕋᑖᖅᑐᑦ ᐱᓕᕆᐊᖓᓂᒃ.

 

ᑭᓱᓂᒃ ᐃᓚᐅᖃᑕᐅᔪᒪᕕᑦ?

  • ᐃᖅᑲᓇᐃᔮᖃᖅᐳᖓ ᓄᓇᕘᒥ ᐃᓕᓴᐃᔩᑦ ᐱᒋᐊᕋᑖᖅᑐᑦ ᐱᓕᕆᐊᖓᑕ ᐃᑭᐊᖅᑭᕕᖓᓂ
  • ᑐᑭᓯᑎᑦᑎᒋᐊᕐᓂᕐᒧᑦ ᑲᒪᔨᐅᕗᖓ (OC)
  • ᑐᑭᓯᑎᑦᑎᒋᐊᕐᓂᕐᒧᑦ ᑲᑎᒪᓗᑎᑦ ᐱᓕᕆᐊᒃᓴᖃᖅᑎᐅᕗᖓ ᐊᐅᓚᑦᑎᔨᐅᓪᓗᖓ
  • ᐃᓕᓴᐃᔨᐅᖃᑎᒻᓂᑦ ᐃᓕᓐᓂᐊᑎᑦᑎᔨᐅᕗᖓ
  • ᐃᖅᑲᓇᐃᔮᖅᑖᕋᑖᖅᑑᕗᖓ ᕿᓂᖅᑐᖓᓗ ᐃᓕᓴᐃᔨᐅᖅᓴᔪᒥᒃ ᐅᕙᓐᓂᒃ ᐃᓕᓐᓂᐊᑎᑦᑎᖃᑦᑕᕋᔭᖅᑐᒥᒃ

ᖃᐅᔨᒪᒋᐊᕈᑎ: ᑲᓱᖅᑕᕈᑎᖏᑦ ᖁᓛᓃᑦᑐᑦ ᐊᑐᕋᒃᓴᐅᑎᓛᖅᑕᕗᑦ ᐱᓕᕆᐊᖑᔪᑦ ᐊᑐᓕᖅᑎᑕᐅᓕᕈᑎᑦ.