You are here

ᑭᕙᓪᓕᕐᒥ ᐃᓕᓐᓂᐊᕐᕕᓂ ᐊᐅᓚᑦᑎᔨᖏᑦ

ᑭᕙᓪᓕᕐᒥ ᐃᓕᓐᓂᐊᕐᕕᓂ ᐊᐅᓚᑦᑎᔨᖏᑦ

ᑭᕙᓪᓕᕐᒥ ᐃᓕᓐᓂᐊᕐᕕᓂ ᐊᐅᓚᑦᑎᔨᖏᑦ (KivSO) ᐃᓚᒋᔭᐅᒋᕗᖅ ᐱᖓᓱᓂᑦ ᐊᕕᑦᑐᖅᓯᒪᔪᓂᑦ ᐃᓕᓐᓂᐊᕐᕖᑦ ᐊᐅᓚᑕᐅᓂᖏᓐᓄᑦ (RSO) ᓄᓇᕗᒥ. ᑭᕙᓪᓕᕐᒥ ᐃᓕᓐᓂᐊᕐᕕᓂ ᐊᐅᓚᑦᑎᔨᖏᑦ (KivSO) ᐅᐊᑦᑎᓲᑦ ᐊᒻᒪᓗ ᐊᐅᓚᑦᑎᓲᖑᓪᓗᑎᑦ ᖃᓄᐃᓕᐅᕈᑕᐅᕙᑦᑐᓂᑦ ᖁᓖᑦ ᒪᕐᕉᓪᓗ ᑭᒃᑯᑐᐃᓐᓇᕐᓄᑦ ᐅᐸᒃᑕᐅᔪᓐᓇᖅᑐᑦ ᐃᓕᓐᓂᐊᕐᕕᓂ ᒥᑭᔫᑕᐅᓂᖅᐹᓂ ᖁᑦᑎᓂᖅᐹᓄᑦ 12-ᓄᑦ ᐃᓕᓐᓂᐊᕋᒃᓴᓄᑦ. ᐊᐅᓚᑦᑎᔩᑦ ᑐᑭᒧᐊᑦᑎᑦᑎᔨᖓ ᐊᖓᔪᖅᑳᓕᒃ ᒥᓂᔅᑕᑉ ᑐᖏᓕᐊᑕ ᑐᖏᓕᒃᑲᓐᓂᖓᓂᒃ. ᐊᓪᓚᕝᕕᖓ ᕿᑎᕐᒥᐅᓂ ᐃᓕᓐᓂᐊᕐᕖᑦ ᐊᐅᓚᑦᑎᔨᖓ ᖃᒪᓂ’ᑐᐊᕐᒥ.

 

Responsibilities and Services

ᑭᕙᓪᓕᕐᒥ ᐃᓕᓐᓂᐊᕐᕖᑦ ᐊᐅᓚᑦᑎᔨᖏᑦ (KivSO) ᑲᒪᒋᔭᖃᓲᖅ ᖃᐅᑕᒫᑦ ᐊᐅᓚᓂᖏᓐᓂᑦ ᐃᓕᓐᓂᐊᕐᕖᑦ, ᐅᐊᑦᑎᔭᐅᕙᑦᑐᓂᑦ ᐃᓕᓴᐃᔩᑦ, ᑐᓴᐅᒪᖃᑎᒌᖃᑦᑕᖅᑐᑎᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᑦ, ᐊᒻᒪᓗ ᐅᐊᑦᑎᓪᓗᑎᑦ ᐃᓕᓐᓂᐊᕋᒃᓴᑦ ᐱᓕᕆᐊᖏᑦ ᐊᒻᒪᓗ ᐱᔨᑦᑎᕋᕈᑎᖏᓐᓂᑦ ᐊᐅᓚᑕᐅᓂᖏᓐᓂᑦ ᒥᑭᔫᑕᐅᓂᖅᐹᓂ ᖁᑦᑎᓂᖅᐹᓄᑦ 12-ᓄᑦ, ᑐᑭᒧᐊᑦᑎᑕᐅᓲᖑᓪᓗᑎᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ.

 

ᑭᕙᓪᓕᕐᒥ ᐃᓕᓐᓂᐊᕐᕕᓂ ᐊᐅᓚᑦᑎᔨᖏᑦ (KivSO) −ᒃᑯᑦ ᑲᒪᒋᔭᖃᕐᒥᔪᑦ ᐃᒪᓐᓇ:

  • ᐃᖅᑲᓇᐃᔮᖅᑖᑎᑦᑎᓪᓗᑎᑦ ᐃᓕᓴᐃᔨᓂᑦ ᐊᒻᒪᓗ ᐃᓕᓴᕕᒻᒥ ᐊᖓᔪᖅᑳᖏᓐᓂ

  • ᓄᑦᑎᕆᐊᖃᖅᑎᓪᓗᒋᑦ ᐃᖅᑲᓇᐃᔮᖅᑖᕋᑖᖅᑐᑦ ᐃᑲᔪᖅᐸᑦᑐᑎᑦ

  • ᐃᑲᔪᖅᑐᐃᕙᑦᑐᑦ ᐃᓕᓐᓂᐊᕐᕕᒻᒥ ᐃᖅᑲᓇᐃᔭᖅᑎᖏᓐᓂᑦ ᐊᔾᔨᒌᙱᑦᑐᓂᑦ ᖁᑦᑎᓐᓂᓕᓐᓂᑦ, ᖁᕝᕙᓯᓐᓂᓕᓐᓂᓗ, ᐊᒻᒪᓗ ᐃᓕᓐᓂᐊᖅᑕᐅᕙᑦᑐᓂᑦ ᐱᓕᕆᐊᖏᑎᒍᑦ ᖃᐅᔨᒪᔨᓄᑦ

  • ᐊᖏᖅᓯᕙᑦᑐᑦ ᐃᖅᑲᓇᐃᔭᙱᑲᐃᓐᓇᕈᒪᔾᔪᑎᓂᑦ ᐊᒻᒪᓗ ᐃᓕᓐᓂᐊᕐᕕᑉ ᐃᖅᑲᓇᐃᔭᖅᑎᖏᑕ ᐃᖅᑲᓇᐃᔭᕆᐊᖃᑦᑕᕐᓂᖏᓐᓂᑦ ᐅᐊᑦᑎᓲᖑᓪᓗᑎᑦ ᑎᑎᕋᖃᑦᑕᖅᑐᑎᑦ

  • ᐃᓕᓐᓂᐊᑎᑦᑎᓲᑦ ᐃᓕᓐᓂᐊᕈᑎᒃᓴᓂᑦ ᐊᒻᒪᓗ ᐃᓕᓐᓂᐊᖅᑕᐅᖃᑦᑕᖅᑐᑦ ᐱᓕᕆᐊᖏᓐᓂ

  • ᐃᖅᑲᓇᐃᔭᖃᑎᖃᓲᑦ ᐊᒻᒪᓗ ᐃᑲᔪᖅᑐᐃᓲᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ

 

Organization

ᓇᓗᓇᐃᔭᖅᓯᒪᔪᖏᓐᓂᑦ ᑭᕙᓪᓕᕐᒥ ᐃᓕᓐᓂᐊᕐᕖᑦ ᐊᐅᓚᑦᑎᔨᖏᑦ (KivSO) ᑲᑐᔾᔨᖃᑎᒌᖓᑕ ᑕᑯᓂᐊᕐᓗᒍ ᐅᓇ ᐃᖅᑲᓇᐃᔮᑦ ᑎᑎᖅᑐᒐᐅᔭᖅᓯᒪᔪᖅ.

 

ᖃᐅᔨᒋᐊᕐᕕᒃ

ᑎᑎᖅᑲᒃᑯᕕᖓ 90

ᖃᒪᓂ’ᑐᐊᖅ, ᓄᓇᕗᑦ

X0C 0A0

ᐅᖄᓚᐅᑎᖓ: (867) 793-2803 (ᑲᓇᑕᑉ ᕿᑎᐊᓂ ᓯᕿᙳᔭᖓ ᒪᓕᑦᑐᒍ)

ᓱᑲᑦᑐᒃᑯᑦ: (867) 793-2008

ᑭᕙᓪᓕᕐᒥ ᐃᓕᓐᓂᐊᕐᕖᑦ ᐊᐅᓚᑦᑎᔨᖏᑦ (KivSO) ᐃᓕᓐᓂᐊᕐᓂᓕᕆᓂᖏᑦ ᐃᑭᐊᖅᑭᕕᖓ