You are here

ᒪᓕᒐᖅᑎᒎᖅᑐᖅ

ᒪᓕᒐᖅᑎᒎᖅᑐᖅ

ᐅᖃᓕᒫᑦᑎᐊᕐᓗᒋᑦ ᐅᑯᐊ. ᐊᑐᕐᓗᒍ ᑖᓐᓇ ᐃᑭᐊᖅᑭᕕᒃ, ᐊᖏᖅᐳᑎᑦ ᒪᓕᓐᓂᐊᕋᕕᑦ ᒪᓕᑦᑕᐅᔭᕆᐊᓕᖏᓐᓂᑦ ᖃᓄᐃᓕᐅᕈᑎᖃᕆᐊᖃᕈᑎᖏᓐᓂᓪᓗ ᐅᖃᓯᒪᔭᕗᑦ ᑎᑎᕋᖅᓯᒪᓪᓗᒋᑦ, ᐊᒻᒪᓗᑦᑕᐅᖅ ᓇᓕᐊᑐᐃᓐᓇᑦ ᐱᖁᔭᑦ ᒪᓕᓐᓂᐊᖅᑐᒋᑦ.

1. ᐊᔪᕆᑕᐅᔭᕆᐊᖃᙱᑦᑐᑦ ᐱᓪᓗᒋᑦ: ᑕᒪᐃᓐᓂ ᑎᑎᕋᖅᓯᒪᔪᑦ ᐊᔾᔨᙳᐊᓪᓗ ᓴᖅᑭᖅᑎᑕᐅᓯᒪᔪᑦ ᑕᕝᕙᓂ ᐃᑭᐊᖅᑭᕕᒻᒥ ᓇᒻᒥᓂᖁᑎᒋᔭᐅᒻᒪᑕ ᐊᔪᕆᑕᐅᔭᕆᐊᖃᙱᑦᑐᑎᓪᓗ ᐱᖁᑎᒋᔭᐅᓂᑯᖏᓐᓄᑦ ᓄᓇᕗᑦ ᒐᕙᒪᖏᓐᓄᑦ (GN), ᐅᖃᖅᓯᒪᙱᑐᐊᕈᑎᑦ ᐱᖁᑎᖃᙱᓐᓂᕋᐃᓗᑎᑦ. ᑕᒪᐃᓐᓂ ᐱᔪᓐᓇᐅᑏᑦ ᐱᖁᑎᒋᔭᐅᕗᑦ, ᐊᒻᒪᓗ ᑎᑎᕋᖅᓯᒪᔪᖅᑎᖑᑦ ᐊᖏᖅᑕᐅᔭᕆᐊᖃᖅᑐᑎᑦ ᐊᑐᓕᖅᑭᔪᒪᓐᓂᕈᕕᑦ ᐅᕝᕙᓘᓐᓃᑦ ᐊᑐᖅᑕᐅᒃᑲᓛᕐᓗᒋᑦ ᐱᓇᓱᐊᕐᓂᐊᕈᕕᒋᑦ ᓇᓕᐊᑐᐃᓐᓇᐃᑦ ᑕᕝᕙᓃᑦᑐᑦ ᐊᑐᕋᔭᕐᓗᒋᑦ ᑐᓴᐅᑎᑎᒍᑦ, ᖃᕋᓴᐅᔭᒃᑯᑦ ᐊᓯᐊᒍᓘᓐᓃᑦ. ᐊᒥᓱᓕᐅᖅᑕᐃᓕᒃᑭᑦ ᐅᕝᕙᓘᓐᓃᑦ ᖃᕋᓴᐅᔭᕐᓅᕐᓗᒋᑦ ᐊᔾᔨᙳᐊᑦ ᐅᕝᕙᓘᓐᓃᑦ ᑎᑎᕋᖅᓯᒪᔪᑦ ᐊᖏᖅᑕᐅᖅᑳᓚᐅᙱᓂᕐᓂ ᐊᑐᕈᓐᓇᕋᕕᒋᑦ.

2. ᐱᑦᑎᐊᖅᓯᒪᓂᖏᑦ: ᑕᒪᐃᓐᓂ ᑐᑭᓯᒋᐊᕈᑎᑦ ᑕᕝᕙᓃᑦᑐᑦ ᐃᑭᐊᖅᑭᕕᒻᒥ ᑭᖑᕙᓗᐊᖅᑕᐃᓕᓯᒪᕗᑦ ᐊᒻᒪᓗ ᐱᑦᑎᐊᖅᓯᒪᓪᓗᑎᑦ ᐃᑲᔪᖅᑕᐅᔪᓐᓇᕐᓂᕗᑦ ᒪᓕᑦᑐᒋᑦ, ᐃᓚᖏᑦ ᓯᓚᑖᓅᖓᑎᑦᑎᒻᒪᑕ ᐃᑭᐊᖅᑭᕕᓄᑦ, ᐅᖃᓕᒫᒐᕐᓄᑦ ᐊᒻᒪᓗ ᐊᓯᖏᓐᓄᑦ ᑐᑭᓯᒋᐊᖅᑎᑦᑎᒍᓐᓇᕐᓂᕋᐃᓪᓗᑎᑦ. ᑲᒪᔾᔮᙱᑦᑐᒍᑦ ᓇᓕᐊᑐᐃᓐᓇᕐᓂᑦ ᑕᒻᒪᖅᓯᒪᔪᖃᕈᓂ ᐃᓚᑯᑕᖃᕈᓂᓘᓐᓃᑦ. ᑕᒪᐃᓐᓂ ᑕᑯᓂᐊᖅᑐᑦ ᑕᕝᕗᖓ ᐃᑭᐊᖅᑭᕕᑦᑎᓐᓄᑦ ᖃᐅᔨᒋᐊᕐᕕᖃᖁᕙᕗᑦ ᐃᓄᐃᑦ ᐱᓕᕆᐊᓖᑦ ᐅᓪᓗᒥᓕᓴᕐᓂᑦ ᑐᑭᓯᒋᐊᖁᓪᓗᒋᑦ (ᑕᐃᒪᐃᒋᐊᖃᕈᑎᑦ), ᐃᓱᒪᓕᐅᓚᐅᙱᓂᕐᒥᓂᑦ ᑭᓱᑐᐃᓐᓇᓂᓪᓘᓐᓃᑦ ᖃᓄᐃᓕᐅᕈᑎᒋᓂᐊᖅᑕᒥᓂᑦ ᐋᖅᑮᓚᐅᙱᓐᓂᖏᓐᓂᒃ.

ᑕᒻᒪᖅᓯᒪᔪᖃᕈᓂᓕ ᑐᑭᒋᐊᕈᑎᓂᑦ ᐅᖃᐅᓯᕆᔭᐅᔭᕆᐊᓕᒃ ᐊᑐᖅᑕᐅᓗᓂ ᖃᐅᔨᒋᐊᕐᕕᒃᓴᑦ ᓈᓴᐅᑎᖏᑦ ᐅᖃᖅᓯᒪᑦᑎᐊᕐᓗᒋᑦ ᖃᓄᐃᑦᑑᓂᖏᑦ ᐱᔪᓐᓇᕈᕕᑦ (ᓲᕐᓗ, ᑐᕌᕈᑎᖓ ᒪᑉᐱᒐᑉ ᑕᒻᒪᖅᓯᒪᔪᓕᒃ ᑐᑭᓯᒋᐊᕈᑎᓂᑦ, ᖃᓄᐃᑦᑐᑦ ᑐᑭᓯᒋᐊᕈᑏᑦ ᖃᐅᔨᓴᖅᑕᐅᔭᕆᐊᖃᕐᒪᖔᑕ, ᓇᑭᙶᕐᓂᖏᑦ ᑐᑭᓯᒋᐊᕈᑏᑦ ᐱᑦᑎᐊᓯᒪᔪᑦ, ᐊᓯᖏᓪᓗ). ᐃᓕᓐᓂᐊᕐᓂᓕᕆᔨᒃᑯᑦ ᐱᑦᑎᐊᕈᓐᓇᕐᓂᓕᒫᖏᓐᓂᒃ ᐱᓕᕆᐊᖃᕈᓱᑦᑐᑦ ᖃᐅᔨᓴᑦᑎᐊᕐᓗᑎᑦ ᑕᒪᒃᑯᐊ ᐱᔾᔪᑏᑦ ᑕᒻᒪᓯᒪᔪᑦ ᐋᖅᑭᑎᐊᖅᑕᐅᒐᓗᐊᕐᒪᖔᑕ, ᑭᓯᐊᓂᓕ ᐱᓕᕆᐊᖃᒃᓴᐃᓐᓇᕆᐊᖃᙱᒻᒪᑕ ᑕᒪᒃᑯᓂᐊ ᐅᓐᓂᕐᓘᑕᐅᔪᑦ ᓱᓕᓂᖏᓐᓂᑦ ᐅᑉᐱᕈᓱᒃᓴᐃᓐᓇᖏᓪᓗᑎᑦ.

3. ᐱᔾᔪᑏᑦ ᑲᙳᓇᖅᑐᒦᑎᑕᐅᔭᕆᐊᓖᑦ: ᑖᓐᓇ ᐃᑭᐊᖅᑭᕕᒃ ᑐᑭᓯᒋᐊᕈᑎᑐᐃᓐᓇᕐᓂᑦ ᓄᐊᑦᑎᓲᖑᒻᒪᑦ ᑕᑯᓂᐊᖅᑎᐅᔪᓂᑦ ᒪᓕᑦᑐᒋᑦ ᖃᕋᓴᐅᔭᖏᑕ ᓇᓗᓇᐃᒃᑯᑕᖏᑦ ᐊᒻᒪᓗ ᓇᓕᐊᓐᓂᑦ ᖃᕋᓴᐅᔭᒃᑯᑦ ᑕᑯᓂᐊᕐᕕᒥᓂᖏᑕ ᒪᑉᐱᒐᖏᑦ ᓇᓗᓇᐃᒃᑯᑕᖏᑦ ᐊᑐᖅᑕᐅᓪᓗᑎᑦ, ᓲᕐᓗ ᖃᐅᔨᒋᐊᕐᕕᒃᓴᑦ ᑐᑭᓯᒋᐊᕈᑎᖏᑦ ᐊᑐᖅᑕᐅᓐᓂᕈᑎᑦ, ᐃᓚᒋᔭᐅᓕᕐᓗᑎᑦ ᖃᐅᔨᒋᐊᕐᕕᒃᓴᑦ ᑎᑎᖅᑐᖅᓯᒪᓂᖏᑦ ᐅᕝᕙᓘᓐᓃᑦ ᓇᕿᑦᑕᖅᑐᒥᓂᐅᒍᓂ ᐅᖃᖃᑎᒌᕝᕕᒻᒥ ᐊᐅᓚᑕᐅᑦᑎᐊᕐᒪᑦ. ᑐᑭᓯᒋᐊᕈᑏᑦ ᑲᑐᔾᔭᐅᔾᔮᙱᑦᑐᑦ ᐊᓯᐊᓄᑦ ᑭᒃᑯᑐᐃᓐᓇᕐᓄᑦ ᓄᓇᕗᑦ ᒐᕙᒪᖏᑕ ᓯᓚᑖᓃᑦᑐᓄᑦ ᐊᒻᒪᓗ ᑎᒥᖁᑎᖏᑕ ᑭᓯᐊᓂᓕ ᐊᖏᖅᓯᒪᒍᑎᑦ ᑲᑐᔾᔭᐅᒍᓐᓇᕐᓂᖏᓐᓂᑦ ᓯᓚᑖᓃᑦᑐᓄᑦ.

ᑕᒪᐃᓐᓂ ᐃᓄᐃᑦ ᑐᑭᓯᒋᐊᕈᑎᖏᑦ ᐋᖅᑭᓱᖅᑕᐅᓲᑦ, ᑎᒍᒥᐊᖅᑕᐅᓲᑦ, ᐅᕝᕙᓘᓐᓃᑦ ᓄᐊᑕᐅᔪᑦ ᓄᓇᕗᑦ ᒐᕙᒪᖏᓐᓄᑦ ᓴᐳᔾᔭᐅᓯᒪᓂᐊᖅᐳᑦ ᒪᓕᓪᓗᒋᑦ Access to Information and Protection of Privacy (ATIPP) Act ᑐᑭᓯᒋᐊᕈᓐᓇᓂᕐᒧᑦ ᓴᐳᔾᔭᐅᓂᖏᓐᓄᓪᓗ ᑐᑭᓯᒋᐊᕈᑏᑦ ᐱᖁᔭᖓ (ATIPP).

4. ᓯᓚᑖᓅᖓᔪᑦ ᑲᓱᖅᑕᕈᑏᑦ: ᓄᓇᕗᑦ ᒐᕙᒪᖏᑦ ᐊᖏᖃᑎᖃᖅᓯᒪᙱᑦᑐᑦ ᑕᐅᑦᑐᒋᔭᐅᔪᓂᑦ ᑐᑭᓯᒋᐊᕈᑎᐅᔪᓂᓪᓘᓐᓃᑦ ᐊᓯᖏᑦ ᐃᑭᐊᖅᑭᕖᑦ ᒪᑉᐱᒐᖏᓐᓂᑦ ᓯᓚᑖᓃᑦᑐᑦ ᑲᓱᖅᑕᕈᑎᓂ ᑎᑎᖅᓯᒪᔪᑦ ᑕᕝᕙᓂ ᐃᑭᐊᖅᑭᕕᑦᑎᓐᓂ, ᐊᒻᒪᓗ ᑭᒡᒐᖅᑐᐃᓂᕋᐃᔾᔮᙱᑦᑐᑦ ᑕᐃᒃᑯᓂᖓ ᐅᕝᕙᓘᓐᓃᑦ ᐱᓕᕆᐊᖃᕐᓂᐊᕐᓂᕋᔾᔮᙱᑦᑐᑦ ᓇᓕᐊᑐᐃᓐᓇᕐᓄᑦ ᑐᑭᓯᒋᐊᕈᑎᓄᑦ ᓴᖅᑭᔮᖅᑎᑕᐅᔪᑦ ᓯᓚᑖᓃ ᐃᑭᐊᖅᑭᕕᒻᒥ.

5. ᖃᕋᓴᐅᔭᒃᑯᑦ ᐊᑐᓲᑦ ᐃᓯᕈᓐᓇᖅᑐᑎᑦ ᒪᑉᐱᒐᓄᑦ: ᓇᓕᐊᑐᐃᓐᓇᐃᑦ ᐃᖅᑲᓇᐃᔮᖅᑖᕋᑖᖅᑐᑦ ᐊᒻᒪᓗ ᐃᓄᐃᑦ ᑕᑯᓂᐊᖅᑎᑕᐅᖃᑦᑕᕈᓐᓇᖅᑐᑦ ᐊᑐᕐᓗᑎᑦ ᖃᕋᓴᐅᔭᑦᑕ ᑐᖅᑯᐃᕕᖓᓄᑦ ᐱᓕᕆᐊᖃᕐᕕᖏᓐᓄᓪᓗ ᐊᑐᕈᓐᓇᖅᑎᑕᐅᔪᑦ ᖃᕋᓴᐅᔭᒃᑯᑦ ᐃᓗᓕᖏᓐᓂᑦ ᐃᑲᔫᑎᓂᑦ, ᑲᓱᖅᑕᕈᑎᓂᑦ ᓈᑎᕆᐊᓕᓐᓄᑦ (ᐊᑐᐃᓐᓇᐅᒪᒍᑎᑦ), ᓴᖅᑭᑎᑦᑎᒍᓐᓇᖅᑐᑎᑦ ᐅᖃᐅᓯᒃᓴᒥᓂᑦ ᐊᒻᒪᓗ ᐊᐱᖅᓱᕈᓐᓇᖅᑐᑎᑦ ᖃᕋᓴᐅᔭᖅᑎᒍᑦ ᐅᖃᖃᑎᒌᕝᕕᒻᒥ. ᑕᑯᓂᐊᕈᓐᓇᕐᓗᓂ ᐊᑐᕈᓐᓇᕐᓗᓂᓗ ᐃᑭᐊᖅᑭᕕᑦᑎᓐᓂ ᐊᔪᕐᓇᖏᑦᑎᑕᐅᒻᒪᑦ; ᐊᑐᕐᓂᓪᓗᒃᑐᑦ (ᓲᕐᓗ ᑲᑐᔾᔨᔪᑦ ᐃᓯᕈᓐᓇᐅᑎᖓᑕ ᓇᓗᓇᐃᒃᑯᑕᖏᓐᓂᑦ ᐊᑐᕆᐊᖃᙱᑦᑐᓄᑦ, ᐊᒻᒪᓗ ᓴᖅᑭᑎᑦᑎᔪᑦ ᓈᒻᒪᖏᑦᑐᓂᑦ ᐅᖃᐅᓯᒃᓴᒥᓂᑦ ᐅᖃᖃᑎᒌᕝᕕᒻᒥ) ᐃᑭᐊᖅᑭᕕᒻᒥ ᐊᐅᓚᑦᑎᔨᐅᔪᖅ ᐲᖅᓯᑎᑦᑎᒍᓐᓇᓂᐊᖅᑐᖅ ᐊᑐᕈᓐᓇᐃᓕᑎᑦᑎᓗᓂ ᐃᑭᐊᖅᑭᕕᑦᑎᓐᓂ. ᑕᐃᒪᐃᑕᐅᓐᓂᕈᕕᑦ, ᖃᕋᓴᐅᔭᒃᑯᑦ ᐃᓯᕈᓐᓇᕐᓗᓂ ᓇᓗᓇᐃᒃᑯᑕᕆᔭᐃᑦ ᓄᖅᑲᖅᑎᑕᐅᓂᐊᖅᑐᖅ, ᐊᒻᒪᓗ ᐊᑐᕐᓂᓪᓗᒃᑐᒥᓂᐅᒍᕕᑦ ᐊᖓᔪᖅᑳᑦ ᑐᓴᖅᑎᑕᐅᓂᐊᖅᑐᖅ.

ᐊᐱᖅᑯᑎᒃᓴᖃᖅᑐᖃᕈᓂ ᐃᓱᒫᓘᑎᓂᓪᓘᓐᓂᑦ ᑕᒪᒃᑯᐊ ᒪᓕᑦᑕᐅᔭᕆᐊᓖᑦ ᖃᓄᐃᓕᐅᕈᑕᐅᔭᕆᐊᓖᓪᓗ ᐱᓪᓗᒋᑦ ᖃᐅᔨᒋᐊᕐᕕᒋᒍᒃ site administrator ᐃᑭᐊᖅᑭᕕᒻᒥ ᐊᐅᓚᑦᑎᔨᐅᔪᖅ.