ᓄᓇᕗᑦ ᐱᙳᖅᑎᑕᐅᓪᓚᕆᓚᐅᖅᓯᒪᔪᖅ ᑲᓇᑕᒥ ᐊᖏᓛᖑᓪᓗᓂ ᓄᓇ ᐄᐳᕈᓪ 1, 1999−ᖑᑎᓪᓗᒍ ᑕᕝᕘᓇ ᓄᓇᕗᒥ ᐱᖁᔭᒃᑯᑦ ᐊᒻᒪᓗ ᓄᓇᕗᑦ ᓄᓇᑖᕈᑕᐅᓂᖓᓄᑦ ᐊᖏᕈᑎ ᐱᖁᔭᖓᒍᑦ. ᑖᓐᓇ ᓄᓇᑖᕈᑎᐅᔪᖅ ᓇᐹᖅᑐᖃᙱᑦᑐᒥᒃ ᓄᓇᒥ ᑲᓇᑕᒥ ᐱᖁᑎᑖᕆᔭᐅᓚᐅᖅᓯᒪᔪᖅ, ᐱᖓᓱᑦ ᒥᓕᐊᓐ−ᐸᓗᖏᑦ ᑭᑉᐹᕆᒃᑐᑦ ᑭᓛᒥᑐᔅ ᓄᓇ, ᐃᒪᖅ ᐊᒻᒪᓗ ᓯᑯ, ᓇᓗᓇᐃᖅᓯᒪᔭᐅᓕᖅᑐᓂ ᓄᓇᖁᑎᒋᔭᐅᒻᒪᑦ ᐃᓄᓐᓄᑦ ᐊᒻᒪᓗ ᑕᐃᒪᐃᓐᓂᖓᓄᑦ ᑕᐃᔭᐅᓲᖑᕗᖅ ᓄᓇᕗᒥ, ᐃᓄᒃᑎᑐᑦ “ᓄᓇᕗᑦ”.
ᓄᓇᖓ ᓄᓇᕗᒥ ᐱᖓᓱᓂᑦ ᓯᕿᙳᔭᑦ ᐊᔾᔨᒌᙱᑐᒡᒍᑕᐅᔪᑦ, ᐃᓄᖃᖅᑐᓂ 31,306 (2011 ᑭᓪᓕᓯᓂᐊᖅᑕᐅᓯᒪᓂᑯᑦ). 2006-ᒥ ᑭᓪᓕᓯᓂᐊᖅᑕᐅᓯᒪᓂᑯᑦ ᑕᑯᒃᓴᐅᑎᑦᑎᔪᕗᑦ ᑕᐃᑲᓂ ᐊᕐᕌᒍᒥ, 24,640 ᓄᓇᕗᒥ ᐃᓅᒻᒪᑕᒎᖅ (83.6% ᑕᒪᐃᓐᓂ ᐃᓄᖏᓐᓃᑦᑐᑦ), 100 ᐊᓪᓚᐃᑦ (0.34%), 130 ᐊᓪᓚᖓᔪᑦ (0.44%) ᐊᒻᒪᓗ 4,410 ᐊᓯᖏᑦ (14.96%).
ᓄᓇᕗᑦ ᐱᖓᓱᓂᑦ ᐊᕕᑦᑐᖅᓯᒪᔪᓕᒃ ᖃᐅᔨᒪᔭᐅᓪᓗᑎᑦ ᕿᑎᕐᒥᐅᑦ, ᑭᕙᓪᓕᖅ ᐊᒻᒪᓗ ᕿᑭᖅᑖᓗᒃ. ᐊᑐᓂᑦ ᐊᕕᑦᑐᖅᓯᒪᔪᑦ. ᐊᑐᓂᑦ ᐊᕕᑦᑐᖅᓯᒪᐅᖅᑐᖅ ᓇᒻᒥᓂ ᐃᓕᓐᓂᐊᕐᕕᖏᑦ ᐊᐅᓚᑕᐅᔪᑦ (ᐊᕕᑦᑐᖅᓯᒪᔪᓂᑦ ᐃᓕᓐᓂᐊᕐᕕᓂ ᐊᐅᓚᑦᑎᔩᑦ ᐅᕝᕙᓘᓐᓃᑦ RSO). ᐊᒻᒪᓗᒃᑲᓐᓂᖅ, ᐅᐃᕖᒃᑯᑦ ᐃᓕᓐᓂᐊᕐᓂᓕᕆᔨᖃᕐᒥᔪᑦ (ᓄᓇᕘᒥ ᐅᐃᕖᑦ ᐃᓕᓐᓂᐊᑎᖅᑐᓕᕆᔨᒃᑯᑦ ᑲᑎᒪᔨᖏᑦ) ᐃᖃᓗᓐᓃᑦᑐᑎᑦ. ᐃᓄᒃᑎᑐᑦ, ᐃᓄᐃᓐᓇᖅᑐᓐ, ᐅᐃᕖ ᐊᒻᒪᓗ ᖃᓪᓗᓈᑎᑐᑦ ᐃᓕᓴᕆᔭᐅᓯᒪᕗᑦ ᐅᖃᐅᓰᑦ
