You are here

ᑎᑭᕋᕐᔪᐊᖅ

ᑎᑭᕋᕐᔪᐊᖅ

ᐊᕕᒃᑐᖅᓯᒪᓂᖓ: 
Kivalliq School Operations (KSO)

Community

ᑭᒃᑰᓂᕗᑦ
ᖃᓄᐃᑉᐸᓚᐅᕐᓂᖏᑦ: 

ᐃᓄᐃᑦ ᐊᒻᒪᓗ ᑕᐃᔅᓱᒪᓂᑐᖃᐃᑦ ᐃᖏᕐᕋᔭᒃᓯᒪᔪᑦ ᐃᓅᓪᓗᑎᒡᓗ ᖃᓂᒋᔭᖓᓂᑦ ᑎᑭᕋᕐᔪᐊᑉ ᑕᐃᒪᙵᓂᑦ Dorset ᐅᓪᓗᕆᔭᖏᓐᓂᑦ (2500-500 BC). ᐃᓄᒃᑎᑐᑦ ᐊᑎᖓ, ᑎᑭᕋᕐᔪᐊᖅ, ᑐᑭᖃᖅᑐᖅ “ᑕᑭᔪᖅ ᓄᕗᒃ.” ᐊᑎᖓ ᓄᓇᓕᐅᑉ, ᑎᑭᕋᕐᔪᐊᖅ, ᐱᔪᖅ ᕿᓚᓗᒐᖃᐅᕐᓂᖓᓄᑦ ᐊᒻᒪᓗ ᐊᓯᖏᓐᓂᒃ ᑲᑎᑉᐸᒃᑐᑦ ᑕᐃᑲᓂ, ᑕᐃᒪᓐᓇᒧᑦ ᐊᕐᕕᖅᓯᐅᖅᑏᑦ ᐊᒻᒪᓗ ᑕᐅᖅᓰᕙᒃᑐᑦ ᑕᐃᑯᙵᕈᑎᖃᖅᓯᒪᔪᑦ. ᑕᕆᐅᑉ ᐊᑭᐊᓂᙶᖅᑐᑦ ᑕᐃᑯᙵᖅᑲᐅᑕᐅᓚᐅᖅᓯᒪᔪᑦ 1600-ᖏᓐᓂᑦ ᓇᓂᓯᓇᓱᖕᓂᕐᒧᑦ ᓱᓪᓗᐊᓗᒃ ᐅᐊᓕᓂᕐᒥᑦ ᕿᑭᖅᑖᓗᖕᒧᑦ ᑕᕆᐅᒃᑯᑦ ᐊᖅᑯᑎᖓᓂᑦ. ᓇᓂᓯᓇᓱᒃᑐᐃᑦ ᑖᒪᔅ ᐸᑎᓐ ᐊᒻᒪᓗ ᓘᒃ ᕚᒃᔅ ᑕᒪᕐᒥᒃ ᓄᖅᑲᓚᐅᖅᑐᑦ ᑕᒫᓂ ᓇᓂᓯᓇᓱᒃᖢᑎᒃ. ᓂᐅᕕᖅᑏᑦ ᑕᐃᑯᙵᓚᐅᖅᓯᒪᒐᓗᐊᖅᖢᑎᒃ ᑕᐅᓇᓂᖅᐸᓯᖓᓄᑦ ᑎᑭᕋᕐᔪᐊᑉ, ᑲᓇᑕᐅᑉ ᒐᕙᒪᒃᑯᖏᑦ ᓅᖁᔨᓚᐅᖅᓯᒪᔪᑦ ᐃᓂᐅᔪᒧᑦ “ᑳᕕᒡᔪᐊᖅᑎᓪᓗᒋᑦ” 1957-58-ᒥᑦ. ᑕᐃᒪᓐᓇᒧᑦ, ᐃᓄᐃᑦ ᑎᑭᕋᕐᔪᐊᕐᒦᑦᑐᑦ ᐱᖓᓱᓂᑦ ᐊᔾᔨᒌᙱᑦᑐᓂᙶᖅᑐᑦ ᐃᓄᖕᓂᑦ, ᐱᖓᓱᓂᒃ ᐊᔾᔨᒌᙱᑦᑐᓂᒃ ᐅᖃᐅᓯᓂᒃ ᑕᐃᑯᙵᖅᑎᑦᑎᓪᓗᓂ, ᑎᑭᕋᕐᔪᐊᖅ ᕼᐋᒻᓚᙳᓚᐅᖅᑐᖅ 1976-ᒥᑦ. 75 ᑭᓛᒥᑕᓪᓗᐊᓂᒃ ᓂᒋᐊᓃᑦᑐᖅ ᑲᖏᖅᖠᓂᐅᑉ ᐊᒻᒪᓗ ᐊᒥᓱᑦ ᑖᒃᑯᓇᓂ ᓄᓇᓕᖕᒥᐅᑕᐃᑦ ᐅᑎᖅᑕᖃᑦᑕᖅᑐᑦ ᐅᑭᐅᒃᑯᑦ ᐊᖅᑯᑎᖃᖅᖢᑎᒃ ᓯᑯᒃᑯᑦ.

ᓄᓇᕗᒻᒥ ᒐᕙᒪᒃᑯᖏᑦ (GN) ᐱᓕᕆᔨᖏᓐᓄᑦ ᓇᓗᓇᐃᔭᐃᓂᕐᒧᑦ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᒃ ᑐᓂᓯᖃᑦᑕᖅᑐᖅ ᐱᐅᔪᒻᒪᕆᖕᒥᑦ ᑲᑎᖅᓱᖅᓯᒪᔪᓂᒃ ᓇᑭᙶᕐᓂᖓᓂᑦ ᓄᓇᕗᒻᒥ, ᐊᑕᐅᑦᑎᒃᑯᑦ ᐃᓄᐃᑦ ᐃᓕᖅᑯᓯᖏᑦ ᐊᒻᒪᓗ ᓇᑭᙶᕐᓂᖓᓂᒃ ᐊᒻᒪᓗ ᐅᖃᐅᓯᖃᖅᑐᖅ ᖃᓄᖅ ᐃᓄᐃᑦ ᐃᓕᖅᑯᓯᖓᑦ ᐃᓚᐅᑎᑕᐅᖕᒪᖔᑕ ᒐᕙᒪᒃᑯᑦ ᐊᐅᓚᓂᕆᔭᖓᓐᓄᑦ ᐊᒻᒪᓗ ᐱᔨᑦᑎᕋᐅᑎᖏᓐᓄᑦ. ᕿᓂᕐᕕᐅᖁᔭᕗᑦ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᒃ ᐊᑐᐃᓐᓇᐅᓕᒃᑲᓐᓂᖅᐸᑦ ᐋᖅᑭᒃᓱᖅᑕᐅᕌᓂᒃᐸᑦ, ᒫᓐᓇᐅᔪᖅ ᓱᓇᑐᐃᓐᓇᓅᖓᔪᖓᑦ ᓄᓇᕗᑦ ᒐᕙᒪᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᖓᑦ ᐆᒃᑐᕈᓐᓇᖅᑕᐃᑦ ᑐᑭᓯᐅᒪᔾᔪᑎᓂᒃ ᐱᓂᕐᒧᑦ.

ᐃᓕᖅᑯᓯᖅ, ᐅᖃᐅᓯᖅ ᐊᒻᒪᓗ ᓄᓇᓕᖕᒥᑦ ᐃᓅᓯᖅ: 

ᐃᓅᓯᖅ ᑎᑭᕋᕐᔪᐊᕐᒥᑦ ᑕᑯᒃᓴᐅᑎᑦᑎᔪᖅ ᐊᔾᔨᖏᓐᓂᒃ ᒥᑭᓂᖅᓴᓂᒃ ᐃᓄᐃᑦ ᓄᓇᓕᒋᔭᖓᓐᓂᑦ ᐅᓪᓗᒥᐅᔪᖅ, ᐅᓪᓗᒥᐅᓕᖅᑐᖅ ᐊᑐᖅᑕᐅᖃᑦᑕᖅᑐᑦ ᐅᖃᓘᓯᕆᓃᑦ ᐊᒻᒪᓗ ᑲᑉᐳᔾᔭᓅᖅᑐᑦ, ᓲᕐᓗ ᑕᓚᕖᓴᐃᑦ, ᖃᕋᓴᐅᔭᐃᑦ ᐊᒻᒪᓗ ᓇᑭᖅᑐᐃᑦ ᓯᑭᑑᑦ, ᑕᐃᒪᐅᖃᑕᐅᔪᑦ ᐱᖅᑯᓯᒃᑯᑦ ᐊᖑᓇᓱᖕᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ ᐊᒻᒪᓗ ᐃᖃᓗᒐᓱᖕᓂᐅᖃᑦᑕᖅᑐᓂᑦ. ᑕᐃᑲᓂᕐᒥᐅᑕᐃᑦ ᐱᖅᑯᓯᑐᖃᓂᒃ ᐊᔪᙱᓐᓂᕐᒥᒃ ᐸᐸᑦᑎᔪᑦ, ᓲᕐᓗ ᒥᖅᓱᕐᓂᖅ ᐊᓐᓄᕌᓂᒃ ᐅᓪᓗᒥᐅᖓᔪᓂᒃ ᐊᒻᒪᓗ ᐃᓄᐃᑦ ᐊᑐᖅᐸᓚᐅᖅᑕᑐᖃᖏᓐᓂᒃ, ᐊᒻᒪᓗ ᐅᑭᐅᑉ ᐃᓚᖓᓂᒃ ᒪᓕᒃᖢᑎᒃ ᐊᖑᓇᓱᖃᑦᑕᖅᑐᑦ ᓄᓇᒥᑦ ᑕᕆᐅᒥᓪᓗ, ᓲᕐᓗ ᐸᐅᕐᖓᖅᓯᐅᕐᓂᖅ ᐊᒻᒪᓗ ᐅᕕᓗᖅᓯᐅᕐᓂᖅ. ᑎᑭᕋᕐᔪᐊᖅ ᐊᖏᔪᒥᒃ ᐃᓅᖃᑎᒌᖕᓂᖃᖅᑐᖅ ᐊᒻᒪᓗ ᖃᑕᙳᑎᒌᖕᓂᕐᒥᒃ ᐊᒃᑐᐊᓂᕐᒧᑦ ᐊᓯᖏᓐᓂᑦ ᑕᓯᐅᔭᕐᔪᐊᑉ ᓄᓇᓕᖏᓐᓃᑐᓂᒃ ᑲᓂᒋᔭᖓᓂᑦ, ᑲᖏᖅᖠᓂᖅ ᐊᒻᒪᓗ ᐊᕐᕕᐊᑦ.

ᒪᕐᕉᖕᓂᒃ ᑐᒃᓯᐊᕐᕕᖃᖅᑐᖅ ᑐᒃᓯᐊᖅᑎᑦᑎᔨᑦ ᑕᐃᑯᙵᐅᖃᑦᑕᖅᖢᑎᒃ ᖃᔅᓰᖅᑕᖅᖢᒍ ᐅᑭᐅᑉ ᐃᓗᐊᓂᑦ. ᐃᒃᓯᕋᕐᔪᐊᖅ ᐊᕐᕕᐊᓂᑦ ᐃᒃᓯᕋᕐᔪᐊᑦ ᑐᒃᓯᐊᕐᕕᐊᓄᐊᖃᑦᑕᖅᑐᖅ, ᐊᔪᕆᖅᓱᐃᔨᒃᑯᑦ ᐃᒃᓯᕋᕐᔪᐊᖓᑦ ᐊᕐᕕᐊᓂᑦ ᐊᔪᕆᖅᓱᐃᔨᒃᑯᑦ ᑐᒃᓯᐊᕐᕕᖓᓄᙵᐅᖃᑦᑕᖅᖢᓂ ᑎᑭᕋᕐᔪᐊᕐᒧᑦ.

ᑎᑭᕋᕐᔪᐊᖅ ᐊᒥᓱᓂᒃ ᐅᖃᐅᓯᕆᔭᐅᔪᓂᒃ ᐅᖃᐅᓯᖃᖃᑎᖃᖅᑐᖅ ᑲᖏᖅᖠᓂᕐᒥᐅᓂᑦ. ᖃᔅᓯᐊᕐᔪᐃᑦ ᐊᔾᔨᒌᙱᑦᑐᑦ ᐃᓄᒃᑎᑐᑦ ᐅᖃᐅᓰᑦ ᑕᐃᒪᐅᔪᑦ ᐊᒥᓱᑦ ᐃᓄᐃᑦ ᑕᐃᑯᙵᖃᑦᑕᕐᓂᖏᓐᓂᑦ ᐊᓯᖏᓐᓂᑦ ᑭᕙᓪᓕᐅᑉ ᓄᓇᓕᖏᓐᓂᙶᖅᑐᑦ ᐊᒻᒪᓗ ᐊᑯᓂᐊᓗᒃ ᑕᕆᐅᑉ ᐊᑭᐊᓂᙶᖅᑐᓂᒃ. ᐊᒥᓲᓂᖅᓴᐃᑦ ᐃᓄᒃᑎᑐᑦ ᐅᖃᐅᓯᖃᕐᓂᕋᕋᓗᐊᖅᑐᑦ, ᖃᓪᓗᓈᑎᑐᑦ ᐅᖃᓪᓚᖕᓂᖅ ᐊᑐᖅᑕᐅᒋᐊᔭᖕᓂᖅᓴᖅ. ᓂᕆᐊᒍᓐᓇᖅᑐᑦ ᐃᓄᓕᒫᓂᒃ ᑲᑎᒪᑎᑦᑎᓂᕐᓂᑦ ᑕᒪᐃᓐᓂᒃ ᐅᖃᐅᓰᒃ ᐊᑐᖃᑦᑕᖅᑐᑦ ᐊᒻᒪᓗ ᖃᓪᓗᓈᑎᑐᑦ ᐊᑐᖅᑕᐅᓂᖏᓐᓄᑦ, ᑭᓯᐊᓂ ᐊᒥᓱᑦ ᐅᖃᓪᓗᕆᒃᓴᕐᓃᑦ ᐃᓄᒃᑎᑐᑐᐃᓐᓇᐅᖃᑦᑕᖅᑐᑦ, ᐊᒻᒪᓗ ᓂᕆᐅᒋᐊᖃᙱᑦᑐᑎᑦ ᐃᓄᒃᑎᑐᑦ ᐅᖃᓪᓗᕆᒃᓴᖅᑐᖃᖅᑎᓪᓗᒍ ᖃᓪᓗᓈᑎᑑᓕᖅᑐᖅᑕᐅᓂᐊᕐᓂᖓᓄᑦ ᖃᓪᓗᓈᖅᑕᖃᑐᐃᓐᓇᕐᓂᖓᓄᑦ. ᐃᓄᒃᑎᑐᑦ ᐅᖃᓪᓚᖕᓃᑦ ᐊᔾᔨᒌᙱᓐᓂᖃᖅᑐᑦ ᓄᓇᕗᒻᒥᑦ, ᐃᓄᒃᑎᑐᑦ ᐅᖃᓪᓚᖃᑦᑕᕈᕕᑦ ᓄᓇᓕᖕᒥᑦ, ᐸᕐᓇᒃᓯᒪᕙᒌᕐᓗᑎᑦ ᐃᓕᑦᑎᓂᕐᒧᑦ ᓄᑖᒥᒃ ᐅᖃᐅᓯᕐᒥᑦ ᐊᔾᔨᒌᙱᓐᓂᐅᔪᓂᒃ ᓄᓇᓕᐅᑉ ᐊᓯᐊᓄᐊᕈᕕᑦ ᐊᒻᒪᓗ ᐃᒪᖅᑳ ᑕᒻᒪᕈᕕᑦ ᐊᔪᕆᖅᓱᖅᑕᐅᓗᑎᑦ. ᐃᓄᐃᑦ ᐅᖃᐅᓯᖓᑦ (ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ), ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ ᐊᑐᖅᑕᐅᔪᑦ ᐅᖃᐅᓯᕆᔭᐅᓂᕐᒧᑦ ᓄᓇᕗᒻᒥᑦ, ᑕᐃᒪᓐᓇᒧᑦ ᐱᔪᓐᓇᐅᑎᖃᖅᑐᑎᑦ ᒐᕙᒪᒃᑯᑦ ᐱᔨᑦᑎᕋᐅᑎᖏᓐᓂᒃ ᑲᒪᒋᔭᐅᑎᓪᓗᑎᑦ ᐅᖃᐅᓯᕐᒥᑦ ᓇᓕᑐᐃᓐᓇᖏᓐᓂᒃ ᐊᑐᕈᒪᓗᑎᑦ.

2011-ᒥᑦ ᓈᓴᐅᓂᖅᑕᖃᓚᐅᖅᑑᒐᓗᐊᖅ ᑎᑭᕋᕐᔪᐊᕐᒥᑦ ᐱᓚᐅᖏᑦᑐᑦ, ᓄᓇᕗᒻᒥ ᐱᕈᖅᐸᓪᓕᐊᓂᖅ ᐱᕙᓪᓕᐊᓂᕐᒧᑦ ᑲᑐᔾᔨᖃᑎᒌᒃᑯᑦ ᐅᖃᖅᓯᒪᔪᑦ 60%-ᖏᑦ ᐃᓄᐃᑦ 25 ᑐᖔᓂᑦ ᐅᑭᐅᖃᖅᑐᑦ.

ᑮᓇᐅᔾᔭᒃᓴᕈᑕᐅᔪᑦ: 

ᓄᓇᓕᕋᓛᖑᓪᓗᓂ ᐊᖏᔪᒥᑦ ᐳᓴᓐᑎᖓ ᒪᒃᑯᒃᑑᓪᓗᑎᒃ, ᐱᕈᖅᐸᓪᓕᐊᓂᕐᒧᑦ ᑎᑭᕋᕐᔪᐊᕐᒥᑦ ᑕᐅᑐᒐᖃᓗᐊᖅᑐᖅ ᑐᓂᓯᓂᕐᒧᑦ ᐱᔨᑦᑎᕋᐅᑎᓂᒃ ᓄᓇᓕᖕᒥᐅᓄᑦ ᐊᒻᒪᓗ ᐱᖅᑯᓯᒃᑯᑦ ᐱᕈᖅᐸᓪᓕᐊᓂᕐᒧᑦ ᖃᓄᐃᓕᐅᕐᓂᖅᑎᒍᑦ, ᓲᕐᓗ ᐊᖑᓇᓱᖕᓂᖅ ᐊᒻᒪᓗ ᓴᓇᙳᐊᒐᐃᑦ ᐊᒻᒪᓗ ᒥᖅᓱᕐᓂᖅ. ᓄᓇᓕᒃ ᐳᓚᕋᖅᑐᓕᕆᓂᖃᕐᒥᔪᖅ ᐊᒻᒪᓗ ᑕᐃᑲᙵᑦ ᐃᖃᓗᒑᕐᔫᑉ ᓄᓇᖓ-ᓄᑦ ᒥᕐᖑᐃᖅᓯᕝᕕᖕᒧᙵᐅᖃᑦᑕᖅᑐᑦ.

ᐊᒥᓱᓂᑦ ᓄᓇᕗᒻᒥ ᓄᓇᓕᐅᔪᑎᑐᑦ, ᑮᓇᐅᔭᒃᑯᕕᖃᙱᑦᑐᖅ ᑎᑭᕋᕐᔪᐊᕐᒥᑦ, ᐊᒻᒪᓗ ᑮᓇᐅᔭᑕᖃᑦᑎᐊᕈᓐᓃᒐᔪᒃᖢᓂ. ᑯᐊᐸᒃᑯᑦ “ᑮᓇᐅᔭᒃᑯᕕᓕᕆᓂᖄᕐᔪᒃᑐᑦ”, ᐊᖏᓗᐊᖏᑦᑐᒥᒃ ᑮᓇᐅᔭᓄᑦ ᑐᖅᑯᖅᓯᓯᒪᕝᕕᖃᕈᓐᓇᖅᖢᑎᒃ, ᐊᑭᒥᒃ ᐊᑭᓖᓪᓗᑎᒃ ᑮᓇᐅᔭᙳᖅᑎᑦᑎᔪᓐᓇᖅᖢᑎᒃ ᑮᓇᐅᔭᒃᓴᓂᒃ, ᑕᒪᒃᑯᐊᒐᓚᐃᑦ. ᑯᐊᐸᒃᑯᑦ ᑮᓇᐅᔭᓂᒃ ᐊᒧᓯᔾᔪᑎᖃᖅᑐᖅ ᐊᐅᒃᑕᔫᖏᓐᓂᑦ, ᑭᒡᓕᖃᖅᑐᒥᒃ ᑮᓇᐅᔭᖅᑕᖃᖅᖢᓂ. ᐊᐅᒃᑕᔫᑦ ᐊᒻᒪᓗ ᐊᑮᑐᖅᓯᔾᔪᑎᓂᒃ ᐊᐅᒃᑕᔫᓂᒃ ᐱᔨᑦᑎᕋᐅᑎᑕᖃᖅᑐᑦ ᓂᐅᕕᕐᕕᓗᒃᑖᖅᑲᓴᐃᑦ. ᑕᐃᑯᙵᓵᖅᑐᑦ ᖃᕋᓴᐅᔭᒃᑯᑦ ᑮᓇᐅᔭᒃᑯᕕᓕᕆᓂᕐᒥᒃ ᐋᖅᑭᒃᓯᖁᔭᐅᔪᑦ ᐊᒻᒪᓗ ᖃᕋᓴᐅᔭᒃᑯᑦ ᐊᑮᑦᑐᓂᒃ ᐊᑭᓕᖅᑐᐃᓂᕐᒥᒃ, ᐱᓗᐊᖅᑐᒥᑦ ᑎᑎᖅᑲᓕᕆᕝᕕᒃᑰᖅᑎᑦᑎᓂᖅ ᓯᓚᕐᓘᒻᒧᑦ ᓄᖅᑲᖓᑎᑦᑎᔪᓐᓇᖅᑎᓪᓗᒍ ᐃᖏᕐᕋᔾᔪᑎᓂᒃ.

ᐆᒪᔪᐃᑦ: 

ᓂᕐᔪᑎᑕᖃᐅᑦᑎᐊᖅᑐᖅ ᑎᑭᕋᕐᔪᐊᑉ ᖃᓂᒋᔭᖓ. ᓇᑦᑏᑦ, ᕿᓚᓗᒐᐃᑦ ᐊᒻᒪᓗ ᐊᕐᕖᑦ, ᑕᑯᔪᖃᕈᓐᓇᖅᑐᖅ ᐊᐃᕕᕐᓂᑦ ᐊᒻᒪᓗ ᓇᓄᕐᓂᑦ. ᑕᕆᐅᕐᒥᐅᑕᐃᑦ ᐃᖃᓗᐃᑦ ᐊᒻᒪᓗ ᐃᖣᕋᐃᑦ ᐱᑕᕆᔭᐅᖃᑦᑕᖅᑐᑦ ᑕᐃᑲᓂ, ᐊᐅᔭᒃᑯᓪᓗ ᐊᔾᔨᒌᙱᑦᑐᓂᒃ ᑎᖕᒥᐊᓂᒃ ᑎᑭᑕᐅᖃᑦᑕᖅᖢᓂ. ᒥᑭᑦᑐᑦ ᓂᕐᔪᑏᑦ, ᓲᕐᓗ ᐅᑲᓕᐊᕐᔪᐃᑦ, ᐊᕿᒡᒌᑦ ᐊᒻᒪᓗ ᑎᕆᒐᓂᐊᑦ, ᐊᓯᖏᓪᓗ, ᑕᐃᒪᐅᔪᑦ ᖃᓂᒋᔭᖓᓂᑦ, ᐊᒻᒪᓗ ᓄᓇᓕᖕᒥᐅᑕᐃᑦ ᓄᓇᒧᓕᐊᖃᑦᑕᖅᑐᑦ ᑐᒃᑐᓯᐅᖅᖢᑎᒃ.

ᐅᖃᓕᒫᑲᓐᓂᕐᓃᑦ : 
  • ᐸᓂᑦ, ᔮᓐ & ᓲᓴᓐ ᕉᓕ, ed. ᐅᖃᓗᕋᐃᑦ: ᐅᖃᐅᓯᖅ ᓇᑭᙶᕐᓂᖓᓂᑦ ᓄᓇᕗᑦ. Montreal & Kingston: McGill-Queen’s University Press, 2004.
  • ᑐᕋᐃ, ᓗᐃ-ᔮᒃ. ᐅᖃᐅᓯᖓᑦ ᐃᓄᖕᓄᑦ syntax, semantics ᐊᒻᒪᓗ ᐃᓅᖃᑎᒌᑦ ᐅᑭᐅᖅᑕᖅᑐᒥᑦ. Montreal & Kingston: McGill-Queen’s University Press, 2010.
  • ᐄᐳᕐ, ᑐᕈᑎ ᕼᐋᓕ. ᕿᓚᓗᒐᕋᓱᒃᑏᑦ ᐅᑭᐅᖅᑕᖅᑐᒦᑎᓪᓗᒋᑦ. Montreal & Kingston: McGill-Queen’s University Press, 1989
  • ᕚᓯᑦ, ᕆᕼᐃ. ᐃᓅᓂᐊᕐᓗᓂ ᐃᖢᐃᓐᓂᖃᙱᑦᑐᒃᑯᑦ: ᐃᓄᐃᑦ ᐅᑭᐅᖅᑕᖅᑐᒥᐅᑕᐃᑦ. Winnipeg: University of Manitoba Press, 2001.
  • ᐃᓯᓐᒪᓐ, ᐸᑎ ᑯᐸᔭᓯ. ᐊᓐᓄᕌᑦ ᐆᒪᓂᕐᒧᑦ: ᐆᒪᔪᑦ ᐃᓄᐃᑦ ᐊᓐᓄᕌᖏᑦ. Vancouver: UBC Press, 1997.
  • ᒪᒃᑖᓄᑦ, ᔮᓐ. ᐅᑭᐅᖅᑕᖅᑐᒥ ᓯᓚᖓ: ᐃᓄᐃᑦ ᓯᓚᓕᕆᓂᖓᑦ, ᐅᓪᓗᕆᐊᓕᕆᓂᖅ. ᐃᖃᓗᐃᑦ & Toronto: Nunavut Research Institute and Royal Ontario Museum, 1998.
  • ᒪᒌ, ᕌᐳᑦ. ᑭᖑᓪᓕᖅᐹᖅ ᑕᐅᑐᙳᐊᕐᓂᕐᒧᑦ ᐃᓂᐅᔪᖅ: ᐃᓄᐃᑦ ᓇᑭᙶᕐᓂᖏᑦ ᐅᑭᐅᖅᑕᖅᑐᒥᑦ . Toronto: Key Porter Books, Canadian Museum of Civilization, 2004.
  • ᒧᐊᕆᓯᓐ, ᑕᐃᕕᑦ ᐊᒻᒪ ᔪᐊᔨᔅ-ᕼᐄᐳᑦ ᔨᕐᒪᐃᓐ. ᐃᓄᐃᑦ: ᑕᐃᔅᓱᒪᓂᒥᑦ ᐅᑭᐅᖅᑕᖅᑐᒥᑦ ᑕᑯᓂᖅ. Hull: Canadian Museum of Civilization, 1995.
  • ᐸᐅᒃᑑᑎᑦ ᐃᓄᐃᑦ ᐊᕐᓇᓄᑦ ᑲᓇᑕᒥ. ᐃᓄᐃᑦ ᐊᑐᖅᑕᖓᑦ: ᐊᑐᖅᑕᐅᔪᒃᓴᖅ ᐃᓄᐃᑦ ᐱᖅᑯᓯᖓᓄᑦ, rev. ed. Ottawa: ᐸᐅᒃᑑᑎᑦ ᐃᓄᐃᑦ ᐊᕐᓇᓄᑦ ᑲᓇᑕᒥ, 2006. http://www.uqar.ca/files/boreas/inuitway_e.pdf
  • ᑕᔅᑐᕐ, ᖢᕌᖕᒃ ᔭᐃᒥᔅ ᐊᒻᒪᓗ ᑯᔾᓯᔅᑭ, ᐲᑕ. ᑕᒻᒪᕐᓃᑦ (ᑕᒻᒪᕐᓃᑦ): ᐃᓄᐃᑦ ᓅᑕᐅᓂᖏᑦ ᑲᓇᖕᓇᖓᓂᑦ ᐅᑭᐅᖅᑕᖅᑑᑉ 1939-63. Vancouver: University of British Columbia Press, 1994.