You are here

ᑕᓗᕐᔪᐊᖅ

ᑕᓗᕐᔪᐊᖅ

ᐊᕕᒃᑐᖅᓯᒪᓂᖓ: 
ᕿᑎᕐᒥᐅᓂ ᐃᓕᓐᓂᐊᕐᕖᑦ ᐊᐅᓚᑦᑎᔨᖏᑦ (KitSO)

Community

ᑭᒃᑰᓂᕗᑦ
ᖃᓄᐃᑉᐸᓚᐅᕐᓂᖏᑦ: 

 

ᓇᑦᓯᓕᖕᒥᐅᑦ ᑕᓗᕐᔪᐊᕐᒥᐅᑕᐅᖃᑦᑕᕐᓂᑰᕗᑦ (ᑕᐃᔭᐅᕙᓚᐅᖅᓯᒪᔪᖅ ᔅᐱᐊᓐᔅ ᕙᐃ) ᑭᒃᑯᓕᒫᑦ ᐃᖅᑲᐅᒪᔪᓐᓇᕐᓂᓕᒫᖏᓐᓂ ᑕᒫᓂᒥᐅᑕᐅᓂᑰᓯᒪᓪᓗᑎᑦ, ᐊᒥᓱᑦ ᑑᓕ ᐃᓄᐃᑦ ᓯᕗᕚᖏᑦ ᑕᒫᓂ ᑭᖑᕚᕆᔭᐅᓪᓗᑎᑦ. ᐊᒥᓱᑦ ᓄᓇᕗᑦ ᓄᓇᓕᖏᓐᓂ ᑕᐃᒪᐃᒻᒥᑎᓪᓗᒋᑦ, ᕿᓂᖅᑕᐅᓂᑯᒥᓂᖓ ᐅᑭᐅᖅᑕᖅᑐᑉ ᑕᕆᐅᖓᑕ ᐊᖅᑯᑎᖓ ᐱᔾᔪᑕᐅᓚᐅᖅᓯᒪᔪᖅ ᔮᓐ ᕌᖦ ᓯᕗᓪᓕᖅᐹᒥ ᓄᓇᓕᒻᒥᐅᓂᑦ ᑕᑯᔪᒥᓂᐅᑎᓪᓗᒍ 1829−ᖏᓐᓂ. ᕌᔅ, ᐅᒥᐊᕐᔪᐊᖓ ᐊᒻᒪᓗ ᐃᖅᑲᓇᐃᔭᖅᑎᖏᑦ ᓯᒃᑯᖅᑲᐅᖅᑲᓚᐅᖅᓯᒪᔪᑦ ᑎᓴᒪᓄᑦ ᐊᕐᕌᒍᓄᑦ. ᐅᐊᑦᑎᐊᕈᒃᑲᓐᓂᖅ, ᕿᓂᖅᑕᐅᓕᕐᒥᑎᓪᓗᒍ ᕗᕌᓐᑭᓕᓐ ᐊᓯᖏᑦ ᐅᒥᐊᕐᔪᐊᒃᑰᖅᑐᑦ ᑕᒪᐅᙵᓚᐅᖅᓯᒪᔪᑦ 1848−ᖏᓐᓂ ᐊᒻᒪᓗ 1860−ᖏᓐᓄᑦ. ᖃᐅᔨᓴᖅᑎ ᕌᓄᓪᑦ ᐊᒪᑦᓴᓐ ᑕᒪᐅᙵᓚᐅᖅᓯᒪᔪᖅ ᓯᕗᓪᓕᖅᐹᒥ ᑲᔪᓯᔪᒥᓂᐅᑎᓪᓗᒍ ᐅᑭᐅᖅᑕᖅᑐᑉ ᑕᕆᐅᖓ ᐃᑳᖅᑐᓂᐅᒃ 1905-1906. ᑎᑎᕋᖅᑕᐅᓯᒪᒻᒥᔪᑦ ᐊᔾᔨᒌᙱᑦᑐᑦ ᐊᕐᕕᓂᐊᖅᐸᑦᑐᒥᓃᑦ ᑕᒪᐅᙵᖅᑐᑦ ᐅᑭᐅᖅᑕᖅᑐᒥ ᐊᕐᕕᕐᓂᐊᖃᑦᑕᑎᓪᓗᒋᑦ.

 

ᔅᐱᐊᓐᔅ ᕙᐃ ᐋᖅᑭᒃᑕᐅᓚᐅᖅᓯᒪᔪᖅ 1948-ᖏᓐᓂ ᕼᐊᑦᓴᓐᔅ ᕙᐃ ᑲᒻᐸᓂᖓ ᐊᒻᒪᓗ ᐳᑭᖅᑕᓕᒃᑯᑦ ᑕᒪᐅᙵᖅᑐᒥᓂᐅᑎᓪᓗᒋᑦ ᐊᒻᒪᓗ ᐋᖅᑮᔪᒥᓂᐅᓪᓗᑎᑦ ᓂᐅᕕᕐᕕᒻᒥ ᐊᒻᒪᓗ ᐊᓪᓚᕝᕕᖓᓂ. ᐃᒃᓯᕋᕐᔪᐊᒃᑯᑦ ᑐᒃᓯᐊᕐᕕᖏᑦ ᐊᒻᒪᓗ ᐊᓐᓕᑲᓐ ᑐᒃᓯᐊᕐᕕᖓ ᑭᖑᓂᐊᒍᑦ 1950−ᒥ ᑕᒪᐅᙵᖅᑐᒥᓂᐅᓪᓗᑎᑦ. ᕼᐊᒻᓚᕈᓚᐅᖅᓯᒪᔪᖅ 1976−ᖏᓐᓂ, ᔅᐱᐊᓐᔅ ᕙᐃ ᓄᓇᓕᖓᑕ ᐊᑎᖓ ᐊᓯᔾᔨᖅᑕᐅᓚᐅᖅᓯᒪᔪᖅ ᑕᓗᕐᔪᐊᕐᒧᑦ ᔪᓚᐃ 1, 1992-ᖑᑎᓪᓗᒍ. ᐃᓄᒃᑎᑐᑦ ᐊᑎᖓ ᑕᓗᕐᔪᐊᖅ ᑐᑭᓕᒃ “ᐅᔭᕋᖕᓂᒃ ᐊᑐᖅᑐᑎᑦ ᑕᓗᓖᑦ” ᐊᒻᒪᓗ ᓂᕈᐊᖅᑕᒥᓂᐅᓪᓗᑎᑦ ᑖᓐᓇ ᐊᑎᖓ ᕼᐊᒻᓚᑉ ᐊᑎᕆᓂᐊᕐᓗᓂᐅᒃ ᐅᔭᕋᐃᑦ ᑕᓗᕆᔭᐅᓪᓗᑎᑦ ᐃᓄᖕᓄᑦ ᐊᑐᖅᑕᐅᖃᑦᑕᖅᑐᒥᓂᐅᓪᓗᑎᑦ ᑐᒃᑐᓂᑦ ᐱᓇᓱᐊᖅᑐᑎᑦ ᐊᒻᒪᓗ ᑐᒃᑐᕝᕕᐅᖃᑦᑕᖅᑐᓂ.

 

ᓄᓇᕗᑦ ᒐᕙᒪᖏᑕ (GN) ᐃᖅᑲᓇᐃᔭᖅᑏᑦ ᑐᑭᓯᒋᐊᕐᕕᖓ ᖃᕋᓴᐅᔭᒃᑯᑦ ᐱᐅᔪᒻᒪᕆᖕᓂᒃ ᓱᓇᒃᑯᑖᖃᐅᖅᑐᖅ ᐊᑐᖅᑕᐅᖃᑦᑕᖅᓯᒪᓂᖓᑕ ᓄᓇᕗᑉ ᐊᒻᒪᓗᑦᑕᐅᖅ ᓇᓗᓇᐃᔭᖅᓯᒪᔪᖃᐅᖅᑐᓂ ᐃᓄᐃᑦ ᐃᓕᖅᑯᓯᖓᓂᒃ ᐊᑐᖃᑦᑕᕐᓂᑯᒥᓂᖏᓐᓂᑦ ᐊᒻᒪᓗ ᐅᖃᖅᓯᒪᓪᓗᑎᑦ ᖃᓄᖅ ᐃᓄᐃᑦ ᐃᓕᖅᑯᓯᖏᑕ ᑐᙵᕕᖏᑦ ᐊᑐᓕᖅᑎᑕᐅᖃᑦᑕᓕᕐᒪᖔᑕ ᒐᕙᒪᒃᑯᑦ ᐊᐅᓚᓂᖏᓐᓄᑦ ᐱᔨᑦᑎᕋᕈᖏᓐᓄᓪᓗ. ᖃᐅᔨᓴᖅᑕᐅᖁᕙᕗᑦ ᑖᓐᓇ ᖃᕋᓴᐅᔭᒃᑰᖓᔪᖅ ᐊᑐᐃᓐᓇᐅᒪᓕᕐᒥᒍᓂ ᐋᖅᑭᓱᖅᑕᐅᔭᕇᕈᓂ, ᒫᓐᓇᓂ ᑕᑯᓂᐊᕈᓐᓇᖅᑕᐃᑦ ᓄᓇᕗᑦ ᒐᕙᒪᖏᑕ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓ. http://www.gov.nu.ca/

 

ᐃᓕᖅᑯᓯᖅ, ᐅᖃᐅᓯᖅ ᐊᒻᒪᓗ ᓄᓇᓕᒻᒥ ᐃᓅᓯᖅ

ᓄᓇᓕᖓ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᕐᔪᐊᖑᑎᑦᑎᔪᑦ ᖃᑦᑏᓐᓇᑯᓗᐃᑦ ᐃᓐᓇᑐᖃᐃᑦ ᐱᖅᑯᓯᑐᖃᓪᓚᑦᑖᖅᑎᒍᑦ ᐃᓅᓯᖃᖅᐸᓚᐅᖅᑐᑦ ᓇᑦᓯᓕᖕᒥᐅᑕᑎᑐᑦ ᓄᓇᑐᐃᓐᓇᕐᒥ ᐃᓅᒻᒪᑕ ᐅᓪᓗᒥᐅᔪᖅ ᓱᓕ. ᖃᐅᑕᒫᑦ ᓄᓇᓕᐅᔪᓂ ᖃᓪᓗᓈᑦ ᐃᓕᖅᑯᓯᖏᓐᓂᒃ ᐃᓄᐃᓪᓗ ᐃᓕᖅᑯᓯᖏᓐᓂᒃ ᐊᑐᖅᑐᑎᑦ ᐃᓅᓯᖃᖅᐸᑉᐳᑦ. ᐆᑦᑑᑎᒋᓗᒍ, ᐃᓚᒌᑦ ᑕᓚᕖᓴᒥ ᑕᐅᑐᓲᑦ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᑕᓚᕖᓴᒃᑐᑎᑦ ᐃᓄᐃᑦ ᓂᕿᖏᓐᓂᒃ ᓂᕆᓯᓐᓈᑦ, ᓲᕐᓗᒃ ᓇᑦᑎᒥᓂᕐᒥᒃ ᓇᑎᕐᒥ ᓂᕆᔭᐅᓪᓗᓂ. ᐃᓚᖏᑦ ᑕᓗᕐᔪᐊᑉ ᐅᓂᒃᑲᐅᓯᑐᖃᖏᑦ ᓂᐱᓕᐅᖅᑕᐅᓯᒪᔪᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᖏᓐᓂᑦ (IHT) ᑮᓇᐅᔭᖅᑎᒍᑦ ᐃᑲᔪᖅᑐᖅᑕᐅᓪᓗᑎᑦ ᑲᓇᑕᒥ ᐱᖅᑯᓯᓕᕆᔨᒃᑯᓐᓂ. ᑖᒃᑯᐊ ᐅᓂᒃᑳᖅᑐᐊᑦ ᓴᖅᑭᖅᑎᑕᐅᓯᒪᕗᑦ ᑕᓗᕐᔪᐊᖅ: ᑲᓪᓕᖅ ᐊᒻᒪᓗ ᐅᔭᕋᒃ ᐅᓂᒃᑳᖅᑐᐊᖏᑦ. (http://www.taloyoaknunavut.ca/) ᑖᓐᓇ ᐃᑭᐊᖅᑭᕕᖓ ᐅᐊᑦᑎᐊᕈ ᖃᓄᐃᑦᑑᕙᓚᐅᖅᓯᒪᔪᒥᒃ ᑕᑯᒃᓴᐅᑎᑦᑎᒋᕗᖅ ᓄᓇᓕᑉ ᒥᒃᓵᓄᑦ ᐊᒻᒪᓗ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᑕᐅᑦᑐᖏᑦ ᐸᐸᑦᑎᑎᓪᓗᒋᑦ ᓄᓇᕗᒥ ᐃᑦᑕᕐᓂᓴᖏᓐᓂᑦ ᐊᒻᒪᓗ ᐅᓂᒃᑳᖅᑐᐊᖏᓐᓂᑦ. ᐃᒃᓯᕋᕐᔪᐊᑦ ᑐᒃᓯᐊᕐᕕᖓ ᑕᐅᕙᓃᑦᑐᖅ, ᐃᔾᔪᓇᐃᑦᑐᖅ ᒥᑦᓱᓪ, ᐋᖅᑭᒃᑕᐅᓚᐅᖅᓯᒪᔪᖅ 1954−ᖑᑎᓪᓗᒍ ᐊᒻᒪᓗ ᓴᓇᔭᐅᒃᑲᓂᖅᑐᓂ 2001-ᖑᑎᓪᓗᒍ. (http://www.arcticomi.ca/2taloyoak.html) ᑕᓗᕐᔪᐊᖅ ᐋᓐᓕᑲᓐ ᑐᒃᓯᐊᕐᕕᖃᕐᒥᔪᖅ, ᑐᒃᓯᐊᕐᕕᖓ ᓰᐱᓕᕆᔨᑦᑎᐊᕙᒃ.

 

ᒪᓕᑦᑐᒋᑦ 2011-ᒥ ᑭᓪᓕᓯᓂᐊᖅᑕᐅᓯᒪᔪᑦ, 98%−ᖏᑦ ᐃᓄᐃᑦ ᑕᓗᕐᔪᐊᕐᒥ ᐃᓅᕗᑦ ᐊᒻᒪᓗ 63% ᐃᓄᐃᑦ ᐅᖃᐅᓯᖏᓐᓂᒃ ᐅᖃᐅᓯᖃᖅᑳᖅᓯᒪᓪᓗᑎᑦ, ᖃᓪᓗᓇᐅᔭᕐᓂᖅᓴᐅᓲᑦ, ᐊᒻᒪᓗ 83% ᐅᖃᐅᓯᕆᔭᐅᓪᓗᐊᖅᑳᖅᑐᓂ ᐊᑐᖅᑕᐅᓲᖑᕗᖅ ᐊᖏᕋᒥᓂᒃ. 16% ᐅᖃᖅᓯᒪᔪᑦ ᐃᓄᒃᑎᑑᓲᖑᒻᒪᑕ ᐊᖏᕐᕋᒥᓂᒃ ᐅᖃᐅᓯᕆᔭᐅᓪᓗᐊᖅᑳᖅᑐᓂ ᐊᒻᒪᓗ 55% ᐅᖃᖅᓯᒪᔪᑦ ᐃᓄᒃᑎᑐᑦ ᐅᖃᐅᓯᕆᔭᐅᒃᑲᓂᖅᑐᓂ ᐊᖏᕐᕋᒥ ᐊᑐᖅᑕᐅᓲᖑᕗᖅ, ᑭᓯᐊᓂᓕ ᑐᖔᓂ 2% ᐃᓄᒃᑎᑐᑐᐊᖅ ᐅᖃᓪᓚᓲᑦ. ᓱᕈᓰᑦ ᐃᓕᓐᓂᐊᓕᓵᖅᑐᑦ ᐃᓕᓐᓂᐊᕆᐊᓯᕋᑖᖅᑐᓪᓗ ᐃᓄᒃᑎᑐᑦ ᐃᓕᓐᓂᐊᖅᑎᑕᐅᓲᑦ ᐅᖃᐅᓯᖓ ᐊᓯᐅᙱᓂᖅᓴᐅᖁᓪᓗᒍ. ᓂᕆᐅᒍᓐᓇᖅᐳᑎᑦ ᑲᑎᑦᑕᕋᐃᒻᒪᑕ ᐃᓄᑐᐃᓐᓇᐃᑦ ᐊᒻᒪᓗ ᑲᑎᒪᔪᖃᓕᕋᐃᒻᒪᑦ ᑕᒪᒃᑮᓐᓂᒃ ᐃᓄᒃᑎᑐᑦ ᖃᓪᓗᓈᑎᑐᓪᓗ ᐊᑐᓲᑦ, ᑭᓯᐊᓂᓕ ᓂᕆᐅᑦᑐᒃᓴᐅᓂᐊᙱᑦᑐᑎᑦ ᐃᓄᒃᑎᑑᖅᑐᑦ ᖃᓪᓗᓇᐅᔭᓕᖅᑎᑕᐅᑲᐅᑎᒋᓂᐊᕐᓂᖏᓐᓂᑦ ᖃᓪᓗᓈᑎᑐᑐᐊᖅ ᐅᖃᓪᓚᓲᖑᔪᖅᑕᖃᕈᓗᒻᒪᑦ. ᐃᓄᒃᑎᑐᑦ ᐅᖃᐅᓯᖏᑦ ᐊᔾᔨᒌᙱᑐᒡᒍᑕᐅᒻᒪᑕ ᓄᓇᕗᒥ, ᐊᓯᐊᓂ ᓄᓇᓕᐅᔪᒥᒃ ᐃᓄᒃᑎᑑᓲᖑᓐᓂᕈᕕᑦ, ᐅᐸᓗᖓᐃᖅᓯᒪᒋᑦ ᐊᓯᐊᓂᒃ ᐃᓄᒃᑎᑐᑦ ᐅᖃᓪᓚᐅᓯᕐᒥᒃ ᐃᓕᓐᓂᐊᕐᓂᐊᕐᓗᑎᑦ ᐊᒻᒪᓗ ᓄᓇᓕᒻᒥᐅᓄᑦ ᐃᓄᒃᑎᑐᑦ ᐅᖃᐅᓯᖏᓐᓂᑦ ᐊᑐᓕᖁᔭᐅᓗᑎᑦ. ᐃᓄᐃᑦ ᐅᖃᐅᓯᖏᑦ (ᐃᓄᒃᑎᑐᑦ ᐃᓄᐃᓐᓇᑐᓪᓗ), ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ ᐃᓕᓴᕆᔭᐅᓯᒪᔪᐃᓐᓇᐅᕗᑦ ᐅᖃᐅᓰᑦ ᓄᓇᕗᒥ, ᑕᐃᒪᐃᓐᓂᖓᓄᑦ ᐱᔪᓐᓇᐅᑎᖃᖅᐳᑎᑦ ᒐᕙᒪᒃᑯᓐᓄᑦ ᐱᔨᑦᑎᖅᑕᐅᓗᑎᑦ ᐅᖃᐅᓯᖅ ᐊᑐᕈᒪᔭᐃᑦ ᒪᓕᓪᓗᒍ.

 

ᑕᓗᕐᔪᐊᑉ ᐃᓄᖏᑦ ᒪᒃᑯᓂᖅᓴᐅᕗᑦ. 2011-ᒥ ᑭᓪᓕᓯᓂᐊᖅᑕᐅᓯᒪᔪᑦ ᓈᓴᐃᓚᐅᖅᑐᑦ 130−ᐅᒻᒪᑕ ᐃᓕᓐᓂᐊᓕᓵᖅᑐᑦ ᓱᕈᓯᐅᒻᒪᑕ ᐊᒻᒪᓗ 260−ᐅᓪᓗᑎᑦ ᐃᓕᓐᓂᐊᕆᐊᓲᑦ ᓱᕈᓰᑦ, 43%−ᖏᑦ ᐃᓄᐃᑦ ᐊᒥᓲᓂᖏᑦ ᐅᑭᐅᓖᑦ 18 ᑐᖔᓂ. ᐅᑭᐅᕆᔭᐅᓗᐊᓲᖅ ᓄᓇᓕᒻᒥ 20.9, ᐊᒻᒪᓗ ᐃᓐᓇᑐᖃᐃᑦ 65 4%−ᑐᐃᓐᓇᐅᕗᑦ ᐃᓄᖏᓐᓂ. ᐱᒻᒪᕆᐅᒻᒥᔪᖅ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᐱᓕᕆᐊᖓ ᐃᓕᓐᓂᐊᖅᑎᓂᑦ ᐊᐱᖅᓱᕆᐊᖃᖅᑎᑦᑎᓚᐅᖅᑐᑦ ᐃᓐᓇᑐᖃᕐᓂᑦ ᐅᓂᒃᑳᖅᑐᐊᖏᓐᓂᒃ ᓄᐊᑦᑎᓪᓗᑎᑦ ᐊᒻᒪᓗ ᐃᓕᑉᐹᓪᓕᕐᓂᐊᕐᒪᑕ ᐱᖅᑯᓯᑐᖃᖏᓐᓂᒃ ᐅᓂᒃᑲᐅᓯᖏᓐᓂᓪᓗ.

ᐃᓕᖅᑯᓯᖅ, ᐅᖃᐅᓯᖅ ᐊᒻᒪᓗ ᓄᓇᓕᖕᒥᑦ ᐃᓅᓯᖅ: 

 

ᓄᓇᓕᖓ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᕐᔪᐊᖑᑎᑦᑎᔪᑦ ᖃᑦᑏᓐᓇᑯᓗᐃᑦ ᐃᓐᓇᑐᖃᐃᑦ ᐱᖅᑯᓯᑐᖃᓪᓚᑦᑖᖅᑎᒍᑦ ᐃᓅᓯᖃᖅᐸᓚᐅᖅᑐᑦ ᓇᑦᓯᓕᖕᒥᐅᑕᑎᑐᑦ ᓄᓇᑐᐃᓐᓇᕐᒥ ᐃᓅᒻᒪᑕ ᐅᓪᓗᒥᐅᔪᖅ ᓱᓕ. ᖃᐅᑕᒫᑦ ᓄᓇᓕᐅᔪᓂ ᖃᓪᓗᓈᑦ ᐃᓕᖅᑯᓯᖏᓐᓂᒃ ᐃᓄᐃᓪᓗ ᐃᓕᖅᑯᓯᖏᓐᓂᒃ ᐊᑐᖅᑐᑎᑦ ᐃᓅᓯᖃᖅᐸᑉᐳᑦ. ᐆᑦᑑᑎᒋᓗᒍ, ᐃᓚᒌᑦ ᑕᓚᕖᓴᒥ ᑕᐅᑐᓲᑦ ᖁᒻᒧᐊᑦᑎᑕᐅᓯᒪᔪᖅᑎᒍᑦ ᑕᓚᕖᓴᒃᑐᑎᑦ ᐃᓄᐃᑦ ᓂᕿᖏᓐᓂᒃ ᓂᕆᓯᓐᓈᑦ, ᓲᕐᓗᒃ ᓇᑦᑎᒥᓂᕐᒥᒃ ᓇᑎᕐᒥ ᓂᕆᔭᐅᓪᓗᓂ. ᐃᓚᖏᑦ ᑕᓗᕐᔪᐊᑉ ᐅᓂᒃᑲᐅᓯᑐᖃᖏᑦ ᓂᐱᓕᐅᖅᑕᐅᓯᒪᔪᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᖏᓐᓂᑦ (IHT) ᑮᓇᐅᔭᖅᑎᒍᑦ ᐃᑲᔪᖅᑐᖅᑕᐅᓪᓗᑎᑦ ᑲᓇᑕᒥ ᐱᖅᑯᓯᓕᕆᔨᒃᑯᓐᓂ. ᑖᒃᑯᐊ ᐅᓂᒃᑳᖅᑐᐊᑦ ᓴᖅᑭᖅᑎᑕᐅᓯᒪᕗᑦ ᑕᓗᕐᔪᐊᖅ: ᑲᓪᓕᖅ ᐊᒻᒪᓗ ᐅᔭᕋᒃ ᐅᓂᒃᑳᖅᑐᐊᖏᑦ. (http://www.taloyoaknunavut.ca/) ᑖᓐᓇ ᐃᑭᐊᖅᑭᕕᖓ ᐅᐊᑦᑎᐊᕈ ᖃᓄᐃᑦᑑᕙᓚᐅᖅᓯᒪᔪᒥᒃ ᑕᑯᒃᓴᐅᑎᑦᑎᒋᕗᖅ ᓄᓇᓕᑉ ᒥᒃᓵᓄᑦ ᐊᒻᒪᓗ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᑕᐅᑦᑐᖏᑦ ᐸᐸᑦᑎᑎᓪᓗᒋᑦ ᓄᓇᕗᒥ ᐃᑦᑕᕐᓂᓴᖏᓐᓂᑦ ᐊᒻᒪᓗ ᐅᓂᒃᑳᖅᑐᐊᖏᓐᓂᑦ. ᐃᒃᓯᕋᕐᔪᐊᑦ ᑐᒃᓯᐊᕐᕕᖓ ᑕᐅᕙᓃᑦᑐᖅ, ᐃᔾᔪᓇᐃᑦᑐᖅ ᒥᑦᓱᓪ, ᐋᖅᑭᒃᑕᐅᓚᐅᖅᓯᒪᔪᖅ 1954−ᖑᑎᓪᓗᒍ ᐊᒻᒪᓗ ᓴᓇᔭᐅᒃᑲᓂᖅᑐᓂ 2001-ᖑᑎᓪᓗᒍ. (http://www.arcticomi.ca/2taloyoak.html) ᑕᓗᕐᔪᐊᖅ ᐋᓐᓕᑲᓐ ᑐᒃᓯᐊᕐᕕᖃᕐᒥᔪᖅ, ᑐᒃᓯᐊᕐᕕᖓ ᓰᐱᓕᕆᔨᑦᑎᐊᕙᒃ.

 

ᒪᓕᑦᑐᒋᑦ 2011-ᒥ ᑭᓪᓕᓯᓂᐊᖅᑕᐅᓯᒪᔪᑦ, 98%−ᖏᑦ ᐃᓄᐃᑦ ᑕᓗᕐᔪᐊᕐᒥ ᐃᓅᕗᑦ ᐊᒻᒪᓗ 63% ᐃᓄᐃᑦ ᐅᖃᐅᓯᖏᓐᓂᒃ ᐅᖃᐅᓯᖃᖅᑳᖅᓯᒪᓪᓗᑎᑦ, ᖃᓪᓗᓇᐅᔭᕐᓂᖅᓴᐅᓲᑦ, ᐊᒻᒪᓗ 83% ᐅᖃᐅᓯᕆᔭᐅᓪᓗᐊᖅᑳᖅᑐᓂ ᐊᑐᖅᑕᐅᓲᖑᕗᖅ ᐊᖏᕋᒥᓂᒃ. 16% ᐅᖃᖅᓯᒪᔪᑦ ᐃᓄᒃᑎᑑᓲᖑᒻᒪᑕ ᐊᖏᕐᕋᒥᓂᒃ ᐅᖃᐅᓯᕆᔭᐅᓪᓗᐊᖅᑳᖅᑐᓂ ᐊᒻᒪᓗ 55% ᐅᖃᖅᓯᒪᔪᑦ ᐃᓄᒃᑎᑐᑦ ᐅᖃᐅᓯᕆᔭᐅᒃᑲᓂᖅᑐᓂ ᐊᖏᕐᕋᒥ ᐊᑐᖅᑕᐅᓲᖑᕗᖅ, ᑭᓯᐊᓂᓕ ᑐᖔᓂ 2% ᐃᓄᒃᑎᑐᑐᐊᖅ ᐅᖃᓪᓚᓲᑦ. ᓱᕈᓰᑦ ᐃᓕᓐᓂᐊᓕᓵᖅᑐᑦ ᐃᓕᓐᓂᐊᕆᐊᓯᕋᑖᖅᑐᓪᓗ ᐃᓄᒃᑎᑐᑦ ᐃᓕᓐᓂᐊᖅᑎᑕᐅᓲᑦ ᐅᖃᐅᓯᖓ ᐊᓯᐅᙱᓂᖅᓴᐅᖁᓪᓗᒍ. ᓂᕆᐅᒍᓐᓇᖅᐳᑎᑦ ᑲᑎᑦᑕᕋᐃᒻᒪᑕ ᐃᓄᑐᐃᓐᓇᐃᑦ ᐊᒻᒪᓗ ᑲᑎᒪᔪᖃᓕᕋᐃᒻᒪᑦ ᑕᒪᒃᑮᓐᓂᒃ ᐃᓄᒃᑎᑐᑦ ᖃᓪᓗᓈᑎᑐᓪᓗ ᐊᑐᓲᑦ, ᑭᓯᐊᓂᓕ ᓂᕆᐅᑦᑐᒃᓴᐅᓂᐊᙱᑦᑐᑎᑦ ᐃᓄᒃᑎᑑᖅᑐᑦ ᖃᓪᓗᓇᐅᔭᓕᖅᑎᑕᐅᑲᐅᑎᒋᓂᐊᕐᓂᖏᓐᓂᑦ ᖃᓪᓗᓈᑎᑐᑐᐊᖅ ᐅᖃᓪᓚᓲᖑᔪᖅᑕᖃᕈᓗᒻᒪᑦ. ᐃᓄᒃᑎᑐᑦ ᐅᖃᐅᓯᖏᑦ ᐊᔾᔨᒌᙱᑐᒡᒍᑕᐅᒻᒪᑕ ᓄᓇᕗᒥ, ᐊᓯᐊᓂ ᓄᓇᓕᐅᔪᒥᒃ ᐃᓄᒃᑎᑑᓲᖑᓐᓂᕈᕕᑦ, ᐅᐸᓗᖓᐃᖅᓯᒪᒋᑦ ᐊᓯᐊᓂᒃ ᐃᓄᒃᑎᑐᑦ ᐅᖃᓪᓚᐅᓯᕐᒥᒃ ᐃᓕᓐᓂᐊᕐᓂᐊᕐᓗᑎᑦ ᐊᒻᒪᓗ ᓄᓇᓕᒻᒥᐅᓄᑦ ᐃᓄᒃᑎᑐᑦ ᐅᖃᐅᓯᖏᓐᓂᑦ ᐊᑐᓕᖁᔭᐅᓗᑎᑦ. ᐃᓄᐃᑦ ᐅᖃᐅᓯᖏᑦ (ᐃᓄᒃᑎᑐᑦ ᐃᓄᐃᓐᓇᑐᓪᓗ), ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ ᐃᓕᓴᕆᔭᐅᓯᒪᔪᐃᓐᓇᐅᕗᑦ ᐅᖃᐅᓰᑦ ᓄᓇᕗᒥ, ᑕᐃᒪᐃᓐᓂᖓᓄᑦ ᐱᔪᓐᓇᐅᑎᖃᖅᐳᑎᑦ ᒐᕙᒪᒃᑯᓐᓄᑦ ᐱᔨᑦᑎᖅᑕᐅᓗᑎᑦ ᐅᖃᐅᓯᖅ ᐊᑐᕈᒪᔭᐃᑦ ᒪᓕᓪᓗᒍ.

 

ᑕᓗᕐᔪᐊᑉ ᐃᓄᖏᑦ ᒪᒃᑯᓂᖅᓴᐅᕗᑦ. 2011-ᒥ ᑭᓪᓕᓯᓂᐊᖅᑕᐅᓯᒪᔪᑦ ᓈᓴᐃᓚᐅᖅᑐᑦ 130−ᐅᒻᒪᑕ ᐃᓕᓐᓂᐊᓕᓵᖅᑐᑦ ᓱᕈᓯᐅᒻᒪᑕ ᐊᒻᒪᓗ 260−ᐅᓪᓗᑎᑦ ᐃᓕᓐᓂᐊᕆᐊᓲᑦ ᓱᕈᓰᑦ, 43%−ᖏᑦ ᐃᓄᐃᑦ ᐊᒥᓲᓂᖏᑦ ᐅᑭᐅᓖᑦ 18 ᑐᖔᓂ. ᐅᑭᐅᕆᔭᐅᓗᐊᓲᖅ ᓄᓇᓕᒻᒥ 20.9, ᐊᒻᒪᓗ ᐃᓐᓇᑐᖃᐃᑦ 65 4%−ᑐᐃᓐᓇᐅᕗᑦ ᐃᓄᖏᓐᓂ. ᐱᒻᒪᕆᐅᒻᒥᔪᖅ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᐱᓕᕆᐊᖓ ᐃᓕᓐᓂᐊᖅᑎᓂᑦ ᐊᐱᖅᓱᕆᐊᖃᖅᑎᑦᑎᓚᐅᖅᑐᑦ ᐃᓐᓇᑐᖃᕐᓂᑦ ᐅᓂᒃᑳᖅᑐᐊᖏᓐᓂᒃ ᓄᐊᑦᑎᓪᓗᑎᑦ ᐊᒻᒪᓗ ᐃᓕᑉᐹᓪᓕᕐᓂᐊᕐᒪᑕ ᐱᖅᑯᓯᑐᖃᖏᓐᓂᒃ ᐅᓂᒃᑲᐅᓯᖏᓐᓂᓪᓗ.

ᑮᓇᐅᔾᔭᒃᓴᕈᑕᐅᔪᑦ: 

ᑕᓗᕐᔪᐊᕐᒥ ᐱᖅᑯᓯᑐᖃᖅᑎᒍᑦ ᓱᓕ ᐃᓅᓯᖃᐅᖅᑑᒻᒪᑕ ᓄᓇᕗᒥ, ᐊᖑᓇᓱᓐᓂᖅ ᒥᑭᒋᔾᔭᓂᕐᓗ ᐊᑐᖅᑕᐅᓂᓴᐅᓲᖑᓪᓗᓂ ᖃᐅᑕᒫᑦ ᐃᓅᓯᖏᓐᓂᑦ. ᓴᓇᙳᐊᖅᑏᑦ ᒥᖅᓱᑏᓪᓗ ᐱᒻᒪᕆᐅᕗᑦ ᓄᓇᓕᓐᓄᑦ ᑮᓇᐅᔭᓕᐅᕈᑎᖃᕋᓱᐊᓲᑦᑕᐅᖅ, ᐊᒻᒪᓗ ᓂᐅᕕᒃᓴᖃᖅᑐᑎᑦ ᓂᐅᕕᕐᕕᓄᑦ ᐊᒻᒪᓗ ᐃᒡᓗᓅᖃᑦᑕᖅᑐᑎᑦ. ᓄᓇᓕᐅᔪᖅ ᖃᐅᔨᒪᔭᐅᑦᑎᐊᕆᕗᖅ ᓄᐊᑕᐅᒍᒪᓂᖅᓴᐅᔪᓄᑦ “ᔅᐱᐊᓐᔅ ᕙᐃ ᐆᒪᔪᙳᐊᑦ ᒥᖅᓱᖅᓯᒪᔪᑦ”, ᐅᑭᐅᖅᑕᖅᑐᒥ ᐆᒪᔪᙳᐊᑦ ᐊᒪᐃᑎᒥᒃ ᐊᑐᙳᐊᖅᑎᑕᐅᓲᖑᓪᓗᑎᑦ, ᐅᕝᕙᓘᓐᓃᑦ ᖁᓕᒃᑕᐅᔭᖅᓯᒪᑎᑕᐅᙳᐊᖅᑐᑎᑦ ᐊᒫᖅᑐᑎᑦ. ᑕᓗᕐᔪᐊᕐᒥ ᓴᓇᐅᒐᖏᑦ ᑕᑯᒃᓴᐅᑎᑦᑎᓲᑦ ᐃᓄᐃᑦ ᐅᓂᒃᑲᐅᓯᑐᖃᖏᓐᓃᙶᖅᑐᑦ, ᓴᓇᔭᐅᓯᒪᔪᑦ ᐅᑦᑯᓯᒃᓴᒥᒃ ᐊᑐᖅᑐᑎᑦ ᐊᕐᕖᑦ ᓴᐅᓂᖏᓐᓂᑦ, ᑐᒃᑐᐃᑦ ᓇᔾᔪᖏᓐᓂᑦ ᐊᒻᒪᓗ ᐊᐃᕖᑦ ᑑᒑᖏᓐᓂᒃ. ᓄᓇᓕᓐᓂ ᐳᓚᕋᖅᑐᓕᕆᓂᖅ ᖃᓄᐃᓕᐅᕈᓘᔭᖅᑎᑦᑎᓲᖅ ᓲᕐᓗᒃ ᐱᓱᙳᐊᑎᑦᑎᓪᓗᑎᑦ, ᐅᐱᕐᖏᑎᑦᑎᓪᓗᑎᑦ, ᐊᖑᓇᓱᒃᑐᑎᑦ, ᐃᖃᓪᓕᐊᖅᑐᑎᓪᓗ. ᑕᒪᒃᑯᐊ ᑮᓇᐅᔭᓕᐅᕈᑕᐅᒐᓱᐊᓲᑦ ᐃᖅᑲᓇᐃᔮᖃᕐᓂᒃᑯᑦ ᖄᖓᒍᒃᑲᓐᓂᖅ ᓂᐅᕕᐊᒃᓴᖃᖅᑐᑎᑦ ᐊᒻᒪᓗ ᐱᔨᑦᑎᕋᖅᑐᑎᑦ ᑕᓗᕐᔪᐊᕐᒥᐅᑕᕐᓄᑦ.

 

ᐊᒥᓱᑦ ᓄᓇᕗᑉ ᓄᓇᓕᖏᓐᓂ ᑕᐃᒪᐃᒻᒥᒻᒪᑕ, ᑮᓇᐅᔭᒃᑯᕕᖃᙱᑦᑐᖅ ᑕᓗᕐᔪᐊᖅ, ᑮᓇᐅᔭᓪᓚᑦᑖᓪᓗ ᐊᒥᒐᖅᓯᓲᖑᓪᓗᑎᑦ. ᑮᓇᐅᔭᓂᑦ ᐲᖅᓯᕖᑦ ᐊᑐᐃᓐᓇᐅᒪᕗᑦ ᓄᐊᑐᓐ ᓂᐅᕕᕐᕕᒻᒥ, ᖃᑦᑏᓐᓇᐅᒐᓗᐊᓂᑦ ᑮᓇᐅᔭᖅᑕᖃᓲᖑᓪᓗᓂ. ᐊᐅᒃᑕᔫᒃᑯᑦ ᑮᓇᐅᔭᓂᑦ ᓂᐅᕕᕈᓐᓇᐅᑎᓂᒃ ᐊᑐᕐᕕᒃᓴᖅ ᐊᒻᒪᓗ ᐊᑭᓕᒃᓴᓂᒍᓐᓇᐅᑎᒥᒃ ᓂᐅᕕᕐᕕᒥ. ᑕᒪᐅᙵᕆᐅᕋᑖᖅᑐᑦ ᖃᕋᓴᐅᔭᒃᑯᑦ ᑮᓇᐅᔭᓕᕆᔪᓐᓇᖁᔭᐅᕗᑦ ᐊᒻᒪᓗ ᖃᕋᓴᐅᔭᒃᑯᑦ ᐊᑭᓕᖅᓱᐃᔪᓐᓇᕐᓗᑎᑦ, ᐱᓗᐊᖅᑐᒥᒃ ᓯᓚᕈᔫᑎᓪᓗᒍ ᐊᒻᒪᓗ ᑎᑭᕝᕕᒃᓴᐅᒍᓐᓃᓲᖑᒻᒪᑦ ᑎᑎᖅᑲᓂᐊᕐᕕᑯᓐᓄᑦ.

 

ᐆᒪᔪᐃᑦ: 

ᑕᓗᕐᔪᐊᑉ ᖃᓂᒋᔭᖓᓂ ᐅᑭᐅᖅᑕᖅᑐᒥ ᓂᕐᔪᑎᕈᓘᔭᖏᑦ ᑕᒫᓃᒻᒪᑕ. ᐊᕐᕌᒍᒥ, ᑕᑯᔪᖃᕈᓐᓇᖅᑐᖅ ᑐᒃᑐᓂᑦ, ᐊᕕᙵᕐᓂᑦ, ᓯᒃᓯᒃ, ᐅᑲᓖᑦ, ᑎᕆᒐᓂᐊᑦ, ᑐᓗᒐᑦ, ᓇᐅᔭᑦ, ᐃᒥᖅᑯᑕᐃᓚᑦ, ᖁᐸᓄᐊᑦ, ᐊᕿᒡᒌᑦ, ᑭᒡᒐᕕᐊᕐᔪᑦ, ᐊᒻᒪᓗ ᐅᒃᐱᔾᔪᐊᑦ. ᐊᒥᓱᑦ ᒥᑏᑦ ᓂᕐᓖᓪᓗ ᑕᒪᐅᙵᑎᓪᓗᒋᑦ ᑕᑯᔭᐅᓲᖑᒻᒥᔪᑦ ᐅᐱᕐᖔᖑᓕᕋᐃᒻᒪᑦ ᐅᑭᐊᒃᓵᕐᒥᓗ. ᐅᒥᖕᒪᐃᑦ ᐅᐊᖕᓇᒦᓲᑦ ᓂᒋᐊᓂᓗ ᑕᓗᕐᔪᐊᑉ. ᓇᑦᑎᖃᖅᑐᖅ, ᐆᒐᑦ ᑲᐱᓕᓯᒃ ᑕᕆᐅᕐᒥ, ᐊᒻᒪᓗ ᖃᓂᒋᔭᖓᓂ ᑕᓯᕐᒥ ᐃᖃᓗᖃᐅᖅᑐᖅ ᐃᖃᓗᒃᐱᒥᓪᓗ. ᐊᕐᕖᑦ, ᓲᕐᓗᒃ ᕿᓚᓗᒐᐃᑦ ᐊᒻᒪᓗ ᑑᒑᓖᑦ, ᑕᒪᐅᙵᕈᓐᓇᓲᖑᒻᒥᔪᑦ. ᐊᒪᕈᐃᑦ, ᖃᒡᕖᑦ ᐊᒻᒪᓗ ᓇᓄᐃᑦ ᑕᑯᔭᐅᕙᒻᒥᔪᑦ ᑕᒫᓂ. ᖁᐱᕐᕈᖃᕈᓘᔭᕐᒥᔪᖅ. ᓄᓇᓕᓐᓂ ᐃᓄᐃᑦ ᐅᖃᓲᑦ ᑭᑦᑐᕆᐊᖃᕐᓇᙱᑦᑐᑦᑎᐊᕙᒻᒥᒃ ᐊᑐᖃᑦᑕᕆᐊᖃᖅᐳᑎᑦ ᐊᒻᒪᓗ ᐊᓐᓄᕌᖅᓯᒪᓗᑎᑦ ᑯᒪᑕᐅᓇᙱᑦᑐᓂᑦ ᐊᐅᔭᐅᑎᓪᓗᒍ.  

ᐅᖃᓕᒫᑲᓐᓂᕐᓃᑦ : 
  • Balikci, Asen. The Netsilik Eskimo. New York: American Museum of Natural History Press, 1970.
  • Bennett, John & Susan Rowley, eds. Uqalurait: an oral history of Nunavut. Montreal & Kingston: McGill-Queen’s University Press, 2004.
  • Dorais, Louis-Jacques: The language of the Inuit: syntax, semantics and society in the Arctic. Montreal & Kingston: McGill-Queens University Press, 2010.
  • Issenman, Betty Kobayashi. Sinews of Survival: the living legacy of Inuit clothing. Vancouver: UBC Press, 1997.
  • MacDonald, John. The Arctic sky: Inuit astronomy, star lore and legend. Iqaluit, & Toronto: Nunavut Research Institute and Royal Ontario Museum, 1998.
  • McGhee, Robert. The last imaginary place: a human history of the Arctic world. Toronto: Key Porter Books, Canadian Museum of Civilization, 2004.
  • Morrison, David and Georges-Hébert Germain. Inuit: glimpses of an Arctic past. Hull: Canadian Museum of Civilization, 1995.
  • Pauktuutit Inuit Women of Canada. The Inuit way: a guide to Inuit culture, rev. ed. Ottawa.: Pauktuutit Inuit Women of Canada, 2006. http://www.uqar.ca/files/boreas/inuitway_e.pdf