You are here

ᓴᓂᑭᓗᐊᖅ

ᓴᓂᑭᓗᐊᖅ

ᐊᕕᒃᑐᖅᓯᒪᓂᖓ: 
ᕿᑭᖅᑖᓗᒻᒥ ᐃᓕᓐᓂᐊᕐᕖᑦ ᐊᐅᓚᑦᑎᔨᖏᑦ (QSO)

Community

ᑭᒃᑰᓂᕗᑦ
ᖃᓄᐃᑉᐸᓚᐅᕐᓂᖏᑦ: 

ᓴᓂᑭᓗᐊᑉ ᕿᑭᖅᑕᖏᑦ, ᓴᓂᑭᓗᐊᖅ ᑕᐅᕙᓃᑦᑐᖅ, ᑐᓂᕐᓄᑦ ᐃᓄᐃᓪᓗ ᓯᕗᕚᖏᓐᓄᑦ ᓇᔪᖅᑕᐅᖃᑦᑕᓚᐅᖅᓯᒪᔪᖅ. ᖃᓂᒋᔭᖓᓃᓐᓂᖓᓄᑦ ᕿᑭᖅᑕᓄᑦ ᑯᐸᑭᑉ ᐅᖓᖕᓇᖓᓂ, ᐊᖅᑯᓵᕐᕕᐅᓲᖑᕗᖅ ᑕᒪᒃᑯᐊᒃ. ᓯᕗᓪᓕᖅᐹᖅ ᑎᑎᕋᖅᑕᐅᓯᒪᔪᖅ ᖃᓪᓗᓈᓄᑦ ᐅᐸᑦᑕᒥᓂᐅᓪᓗᓂ 1610−ᒥ ᕼᐃᐊᓐᓄᕆ ᕼᐊᑦᓴᓐ, ᕼᐊᑦᓴᓐ ᕙᐃ ᑲᒻᐸᓂᖓ ᐊᑦᑎᖅᑕᐅᓯᒪᔪᖅ ᑖᔅᓱᒧᖓ, ᕿᑭᖅᑕᓅᓚᐅᖅᓯᒪᔪᖅ ᖃᐅᔨᓴᕆᐊᖅᑐᖅᑐᓂ. ᕼᐊᑦᓴᓐᔅ ᕙᐃ ᑲᒻᐸᓂᖓ (HBC) ᐃᖅᑲᓇᐃᔭᖅᑎᖓ ᑖᒧᓯ ᕙᐃᒐᓐᑦ ᓂᐅᕐᕈᓚᐅᖅᓯᒪᓪᓗᓂ ᕿᑭᖅᑕᓄᑦ 1840−ᖏᓐᓂ, ᖃᓪᓗᓈᑦ ᑕᒫᓃᓚᐅᖅᓯᒪᓂᖏᓐᓂᑦ ᐃᑦᑕᕐᓂᓴᑕᖃᙱᑦᑐᖅ ᖃᓪᓗᓈᑦ ᐅᑮᔪᒥᓂᐅᓗᑎᑦ ᕌᕗᑦ ᕕᓕᐅᕆᑎ ᑕᒪᐅᙵᓚᐅᖅᓯᒪᓪᓗᓂ ᑎᑭᑦᑐᓂ 1914-ᖏᓐᓂ. ᕼᐊᑦᓴᓐᔅ ᕙᐃ ᑲᒻᐸᓂᖓ ᓯᕗᓪᓕᖅᐹᒥ ᒪᑐᐃᖅᓯᒋᐊᙵᓚᐅᖅᓯᒪᔪᑦ ᑕᐅᖅᓰᕕᖓᓂᑦ 1928−ᖑᑎᓪᓗᒍ, ᑕᐅᕗᖓ ᓄᑦᑎᖅᑕᐅᓚᐅᖅᓯᒪᓪᓗᓂ “ᐃᓄᐃᑦ ᐃᒪᖓᓄᑦ” 1961-ᖑᑎᓪᓗᒍ, ᑕᐃᑲᓂᒃᓴᐃᓐᓇᖅ ᐊᕐᕌᒍᒥ ᑲᓇᑕᒥ ᒐᕙᒪᒃᑯᑦ ᐃᓕᓐᓂᐊᕐᕕᓕᐅᓕᓚᐅᖅᓯᒪᔪᑦ ᓂᒋᐊᓂ ᕿᑭᖅᑕᓂ. ᕼᐊᒻᓚᖓ ᓴᓂᑭᓗᐊᑉ ᐋᖅᑭᒃᑕᐅᓚᐅᖅᓯᒪᔪᖅ 1974−ᖑᑎᓪᓗᒍ, ᓈᒻᒪᓈᖅᑐᓂ ᑲᑎᖅᓱᖅᑕᐅᓪᓗᑎᑦ ᑲᓇᑕᒥ ᒐᕙᒪᒃᑯᑦ ᐱᔨᑦᑎᕋᕐᓂᖏᑦ, ᐊᒻᒪᓗ ᐃᓄᐃᑦ ᐊᑕᐅᑦᑎᒨᖅᑕᐅᕙᓪᓕᐊᓕᖅᑎᓪᓗᒋᑦ ᑕᐃᑲᙵᑦ ᒪᕐᕉᖕᓂᒃ “ᓄᓇᓕᕋᓛᖕᓂᒃ” ᐅᐊᖕᓇᖓᓃᑦᑐᖅ ᐊᒻᒪᓗ ᓂᒋᐊᓃᑦᑐᖅ ᕿᑭᖅᑕᒥ. ᐅᖃᖅᓯᒪᓪᓗᑎᑦ ᐃᓚᖏᑦ, ᕼᐊᒻᓚᖓ ᐊᑦᑎᖅᑕᐅᓯᒪᔪᖅ ᓄᓇᓕᒻᒥᐅᑕᒥᓂᕐᒥᒃ ᐃᓄᒻᒥᒃ ᐊᑎᓕᒃ ᓵᓐᑎ ᑭᓗᐊᖅ, ᑎᒍᐊᖅᑕᒥᓂᖅ ᐊᖑᑎ ᐱᕈᖅᑐᒥᓂᐅᓪᓗᓂ ᐊᖑᓇᑦᑎᐊᕙᐅᓛᖑᓕᖅᑐᓂ ᐊᒻᒪᓗ ᑕᒫᓂ ᓂᕿᖃᖅᑎᑦᑎᒍᓐᓇᑦᑎᐊᓛᖑᓪᓗᓂ ᓄᓇᓕᐅᔪᒧᑦ ᓇᖅᑮᓯᒪᓂᑰᓪᓗᓂᓗ.

 

ᓄᓇᕗᑦ ᒐᕙᒪᖏᑕ (GN) ᐃᖅᑲᓇᐃᔭᖅᑏᑦ ᑐᑭᓯᒋᐊᕐᕕᖓ ᖃᕋᓴᐅᔭᒃᑯᑦ ᐱᐅᔪᒻᒪᕆᖕᓂᒃ ᓱᓇᒃᑯᑖᖃᐅᖅᑐᖅ ᐊᑐᖅᑕᐅᖃᑦᑕᖅᓯᒪᓂᖓᑕ ᓄᓇᕗᑉ ᐊᒻᒪᓗᑦᑕᐅᖅ ᓇᓗᓇᐃᔭᖅᓯᒪᔪᖃᐅᖅᑐᓂ ᐃᓄᐃᑦ ᐃᓕᖅᑯᓯᖓᓂᒃ ᐊᑐᖃᑦᑕᕐᓂᑯᒥᓂᖏᓐᓂᑦ ᐊᒻᒪᓗ ᐅᖃᖅᓯᒪᓪᓗᑎᑦ ᖃᓄᖅ ᐃᓄᐃᑦ ᐃᓕᖅᑯᓯᖏᑕ ᑐᙵᕕᖏᑦ ᐊᑐᓕᖅᑎᑕᐅᖃᑦᑕᓕᕐᒪᖔᑕ ᒐᕙᒪᒃᑯᑦ ᐊᐅᓚᓂᖏᓐᓄᑦ ᐱᔨᑦᑎᕋᕈᖏᓐᓄᓪᓗ. ᖃᐅᔨᓴᖅᑕᐅᖁᕙᕗᑦ ᑖᓐᓇ ᖃᕋᓴᐅᔭᒃᑰᖓᔪᖅ ᐊᑐᐃᓐᓇᐅᒪᓕᕐᒥᒍᓂ ᐋᖅᑭᓱᖅᑕᐅᔭᕇᕈᓂ, ᒫᓐᓇᓂ ᑕᑯᓂᐊᕈᓐᓇᖅᑕᐃᑦ ᓄᓇᕗᑦ ᒐᕙᒪᖏᑕ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓ. http://www.gov.nu.ca/

ᐃᓕᖅᑯᓯᖅ, ᐅᖃᐅᓯᖅ ᐊᒻᒪᓗ ᓄᓇᓕᖕᒥᑦ ᐃᓅᓯᖅ: 

ᓴᓂᑭᓗᐊᕐᒥᐅᑦ ᐃᓄᖏᑦ ᐊᔾᔨᐅᙱᑦᑐᒥᒃ ᐃᓕᖅᑯᓯᖃᕐᒪᑕ, ᒪᓕᑦᑐᒋᑦ ᐊᑐᐃᓐᓇᐅᒪᓂᖏᑦ ᓄᓇᒦᑦᑐᑦ ᕿᑭᖅᑕᖏᓐᓂ. ᖃᐅᔨᒪᔭᐅᑦᑎᐊᖅᑐᑦ ᐊᓐᓄᕌᓕᐅᕈᓐᓇᕐᓂᖏᓐᓂᑦ ᓱᓗᓐᓂᒃ ᐊᒥᖏᓐᓂᓪᓗ ᑎᖕᒥᐊᑦ, ᑎᑎᕋᖅᑕᐅᓯᒪᔪᑦ ᔨᐅᓪ ᐅᒃᔅ ᐅᖃᓕᒫᒐᓕᐊᒥᓂᖓᓂᑦ ᔭᐃᑲᖏᑦ ᒥᑎᕐᒦᙶᖅᑐᑦ (ᐅᖃᓕᒫᖅᑕᐅᒃᑲᓐᓂᕋᒃᓴᓃᑦᑐᑦ ᑎᑎᖅᑐᖅᓯᒪᓂᖏᓐᓂ), ᐊᒻᒪᓗ ᐃᖃᓗᒃ ᐊᒥᕋᖏᓐᓂᒃ ᐃᓅᔭᓕᐅᖅᓯᒪᓂᑰᓪᓗᑎᑦ. ᐴᓕᐅᓲᑦ ᐃᕕᓂᑦ ᐊᑐᖅᑐᑎᑦ. ᓴᓇᙳᐊᓲᖏᑦ ᓄᓇᓕᒻᒥ ᐅᑦᑯᓯᒃᓴᒥᒃ, ᐊᓯᖏᓐᓂᑦ ᓄᓇᓕᐅᔪᓂᑦ ᐊᔾᔨᒋᔭᐅᙱᑦᑐᑎᑦ. ᐃᓕᖅᑯᓯᖏᑦ ᐊᔾᔨᐅᑎᓐᓂᖏᑦ ᐋᖅᑭᐅᒪᑎᑕᐅᖃᑦᑕᖅᐳᑦ ᓴᓂᑭᓗᐊᕐᒥᐅᑦ ᐊᓯᖏᓐᓂᑦ ᓄᓇᕗᑦ ᓄᓇᓕᖏᓐᓄᑦ ᖃᓂᙱᓗᐊᕐᓂᑯᒥᓂᖏᓐᓄᑦ.

 

ᓴᓂᑭᓗᐊᕐᒥ ᐋᓐᓕᑲᓐ−ᒃᑯᑦ ᑐᒃᓯᐊᕐᕕᖓ, ᐃᔾᔪᓇᐃᑦᑐᖅ ᐱᓕᑉᔅ(http://www.najuqsivik.com/gateway/sanikiluaq/religion.htm), ᑯᐸᑭᑉ ᐃᓚᖓᓄᑦ ᐊᑦᑐᐊᔪᖅ ᐊᒻᒪᓗ ᐊᔪᕆᖅᓱᐃᖃᓲᖑᓪᓗᓂ ᑯᐸᑭᒦᙶᖅᑐᓂᑦ, ᕼᐊᑦᓴᓐ ᑐᒃᓯᐊᕐᕕᖃᕐᕕᖓᓂ. ᐊᒥᓱᑦ ᑐᒃᓯᐊᕐᕕᒻᒥ ᐊᐅᓚᑦᑎᓲᑦ ᐃᓄᑐᐃᓐᓇᐃᑦ, ᐊᒻᒪᓗ ᑐᒃᓯᐊᕐᕕᓕᐊᓲᑦ 20%−ᖑᔪᑦ ᐃᓄᖏᑦ.

 

ᐃᓄᒃᑎᑐᑦ ᖃᐅᑕᒫᑦ ᐊᑐᖅᑕᐅᓂᖅᓴᐅᕗᖅ ᓴᓂᑭᓗᐊᕐᒥ. 2011-ᒥ ᑭᓪᓕᓯᓂᐊᖅᑕᐅᓯᒪᔪᑦ ᒪᓕᑦᑐᒋᑦ, 97%−ᖑᔪᑦ ᐃᓄᖏᑦ ᐃᓄᒃᑎᑐᑦ ᐅᖃᐅᓯᕆᔭᐅᖅᑳᕐᓂᕋᖅᓯᒪᕗᑦ, ᐊᒻᒪᓗ 92%−ᖏᑦ ᐊᑐᓲᑦ ᐅᖃᐅᓯᕐᒥᓂᒃ ᐊᖏᕐᕋᒥ. 3%−ᑐᐃᓐᓇᑯᓗᐃᑦ ᐊᑐᓲᕆᓪᓗᓂᐅᒃ ᐅᖃᐅᓯᕆᔭᐅᒃᑲᓐᓂᕋᓗᐊᖅᑎᓪᓗᒍ ᐊᖏᕐᕋᒥ. ᐊᒻᒪᓗᑦᑕᐅᖅ ᒪᕐᕉᖕᓂᒃ ᐅᖃᐅᓰᓕᑦ ᐊᖏᕐᕋᒥᓂᒃ ᖃᑦᑏᓐᓇᐅᓂᖅᓴᐅᕗᑦ ᓴᓂᑭᓗᐊᕐᒥ ᓄᓇᓕᓐᓂ ᑕᐃᒪᐃᙱᓂᖅᓴᐅᑎᓪᓗᒋᑦ 78%−ᖑᔪᑦ ᐊᒥᓲᓂᖏᑦ ᐅᖃᓪᓚᒍᓐᓇᖏᒻᒪᑕ ᒪᕐᕉᖕᓂᒃ ᐅᖓᑖᓂ ᐊᖏᕐᕋᒥᓂᒃ. ᐊᒥᓲᓂᖏᑦ ᐃᓄᐃᑦ ᖃᓪᓗᓇᐅᔭᕈᓐᓇᖏᑦᑐᑦ ᐅᐃᕖᑎᑐᓪᓗ ᐊᒥᓲᕗᑦ. ᐃᓚᖏᑦ 22%−ᖑᔪᑦ ᐃᓄᐃᑦ ᑕᒪᐃᓐᓂ ᐃᓄᒃᑎᑐᑐᐊᖅ ᐅᖃᓪᓚᓲᖑᕗᑦ, ᑐᑭᓕᒃ ᐃᓛᓐᓂᒃᑯᑦ ᑕᒪᐅᙵᕆᐅᖅᑐᑦ ᓂᐅᕐᕈᔪᓪᓗ ᓇᓂᓯᔭᕆᐊᖃᓲᑦ ᖃᓪᓗᓇᐅᔭᕈᓐᓇᖅᑐᒥᒃ ᑐᓵᔨᒋᓂᐊᖅᑕᒥᓂᒃ, ᐱᓗᐊᖅᑐᒥᒃ ᐅᖃᖃᑎᖃᕈᒪᓐᓂᕈᑎᑦ ᐃᓐᓇᑐᖃᕐᓂᑦ ᐃᓄᓐᓂᒃ. ᖃᑦᑏᓐᓇᑯᓗᐃᑦ ᐅᐃᕖᑎᑑᓲᖑᒐᓗᐊᖅᑎᓪᓗᒋᑦ ᓴᓂᑭᓗᐊᕐᒥ, ᖃᓪᓗᓇᐅᔭᕐᓂᖅᓴᐅᓲᑦ ᐅᖃᐅᓯᕆᔭᐅᒃᑲᓐᓂᖅᑎᓪᓗᒍ (77% ᐃᓄᖏᑦ ᑕᒪᐃᓐᓂ). ᐊᒥᓱᑦ ᓄᓇᓕᒻᒥᐅᑦ ᖃᓪᓗᓇᐅᔭᓲᑦ ᐃᖅᑲᓇᐃᔭᕐᕕᒻᒥ ᐃᓕᓐᓂᐊᕐᕕᒻᒥᓗ, ᑭᓯᐊᓂᓕ ᐃᓄᐃᑦ ᑲᑎᒐᐃᒻᒪᑕ ᑭᒃᑯᑐᐃᓐᓇᐃᑦ ᐊᒻᒪᓗ ᑲᑎᒪᔪᖃᕋᐃᒻᒪᑦ ᑕᒪᒃᑮᓐᓂᒃ ᐅᖃᐅᓰᖕᓂᒃ ᐊᑐᖅᑐᓂᑦ ᓂᕆᐅᒍᓐᓇᖅᑐᑎᑦ, ᑭᓯᐊᓂᓕ ᓂᕆᐅᑦᑐᒃᓴᐅᓂᐊᙱᑦᑐᑎᑦ ᐃᓄᒃᑎᑑᖅᑐᑦ ᖃᓪᓗᓇᐅᔭᓕᖅᑎᑕᐅᑲᐅᑎᒋᓂᐊᕐᓂᖏᓐᓂᑦ ᖃᓪᓗᓈᑎᑐᑐᐊᖅ ᐅᖃᓪᓚᓲᖑᔪᖅᑕᖃᕈᓗᒻᒪᑦ. ᐃᓄᒃᑎᑐᑦ ᐅᖃᐅᓯᖏᑦ ᐊᔾᔨᒌᙱᑐᒡᒍᑕᐅᒻᒪᑕ ᓄᓇᕗᒥ, ᐊᓯᐊᓂ ᓄᓇᓕᐅᔪᒥᒃ ᐃᓄᒃᑎᑑᓲᖑᓐᓂᕈᕕᑦ, ᐅᐸᓗᖓᐃᖅᓯᒪᒋᑦ ᐊᓯᐊᓂᒃ ᐃᓄᒃᑎᑐᑦ ᐅᖃᓪᓚᐅᓯᕐᒥᒃ ᐃᓕᓐᓂᐊᕐᓂᐊᕐᓗᑎᑦ ᐊᒻᒪᓗ ᓄᓇᓕᒻᒥᐅᓄᑦ ᐃᓄᒃᑎᑐᑦ ᐅᖃᐅᓯᖏᓐᓂᑦ ᐊᑐᓕᖁᔭᐅᓗᑎᑦ. ᐃᓄᐃᑦ ᐅᖃᐅᓯᖏᑦ (ᐃᓄᒃᑎᑐᑦ ᐃᓄᐃᓐᓇᑐᓪᓗ), ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑐᑦ ᐃᓕᓴᕆᔭᐅᓯᒪᔪᐃᓐᓇᐅᕗᑦ ᐅᖃᐅᓰᑦ ᓄᓇᕗᒥ, ᑕᐃᒪᐃᓐᓂᖓᓄᑦ ᐱᔪᓐᓇᐅᑎᖃᖅᐳᑎᑦ ᒐᕙᒪᒃᑯᓐᓄᑦ ᐱᔨᑦᑎᖅᑕᐅᓗᑎᑦ ᐅᖃᐅᓯᖅ ᐊᑐᕈᒪᔭᐃᑦ ᒪᓕᓪᓗᒍ.

 

ᓄᓇᓕ ᒥᑭᔫᕗᖅ ᐊᒻᒪᓗ ᖃᐅᔨᒪᖃᑦᑕᐅᑎᔪᒡᒍᑕᐅᓪᓗᑎᑦ ᐃᓄᖏᑦ. ᒪᒃᑯᑦᑐᒡᒍᑕᐅᓪᓗᑎᓪᓗ ᐃᓄᖏᑦ. 2011-ᒥ ᑭᓪᓕᓯᓂᐊᖅᑕᐅᓯᒪᔪᑦ ᓈᓴᖅᑕᐅᓯᒪᔪᑦ 105−ᖑᓚᐅᖅᑐᑦ ᐃᓕᓐᓂᐊᕆᐊᓕᓵᓲᑦ ᓱᕈᓯᓛᑦ ᐊᒻᒪᓗ 240 ᐃᓕᓐᓂᐊᕆᐊᓲᑦ ᓱᕈᓰᑦ. ᐅᑭᐅᕆᔭᐅᓗᐊᖅᑐᑦ 21.1, ᑭᓯᐊᓂᓕ 24−ᐸᓗᖏᓐᓂ ᐅᑭᐅᓖᑦ 65−ᓂᑦ ᐅᖓᑖᓄᓪᓗ, ᐅᕝᕙᓘᓐᓃᑦ 3%−ᑐᐃᓐᓇᑯᓗᐃᑦ ᐊᒥᓲᓂᖏᑦ ᐃᓄᐃᑦ ᐅᑭᐅᓖᑦ 65-ᓂᑦ ᐅᖓᑖᓄᓪᓗ.  

ᑮᓇᐅᔾᔭᒃᓴᕈᑕᐅᔪᑦ: 

ᑕᐃᒪᓐᓇᓴᐃᓐᓇᖅ ᒥᑭᔪᓂᑦ ᓄᓇᓕᓐᓂ ᓄᓇᕗᒥ, ᓄᓇᓕᓐᓂ ᑮᓇᐅᔭᓕᐅᕈᑎᖃᕋᓱᐊᓗᐊᙳᐊᓲᑦ ᓂᐅᕕᐊᒃᓴᖃᓲᖑᓪᓗᑎᑦ ᐱᔨᑦᑎᕋᖅᑐᑎᓪᓗ ᓄᓇᓕᒻᒥᐅᓄᑦ. ᐱᖅᑯᓯᑐᖃᖅᑎᒍᑦ ᑮᓇᐅᔭᓕᐅᕋᓱᐊᓲᑦ, ᓲᕐᓗᒃ ᐊᖑᓇᓱᓐᓂᒃᑯᑦ ᐃᖃᓗᒐᓱᐊᕐᓂᑯᓪᓗ, ᐊᑐᖅᑕᐅᓗᐊᙳᐊᖅᑐᖅ, ᐊᒻᒪᓗ ᓄᓇᓕᓐᓂ ᓴᓇᙳᐊᕐᓂᖅ ᑮᓇᐅᔾᔭᒃᓴᒍᑕᐅᓲᖅ ᐊᒥᓱᓄᑦ ᓴᓂᑭᓗᐊᕐᒥᐅᑕᓄᑦ. ᐴᓕᐅᓲᑦ ᐃᕕᖕᓂᒃ ᐊᑐᖅᑐᑎᑦ. ᒥᑭᔫᒐᓗᐊᖅ ᐳᓚᕋᖅᑐᓕᕆᓂᖅ ᐆᒪᔪᕐᓂᑦ, ᑎᖕᒥᐊᓂᑦ ᐊᒻᒪᓗ ᐊᐅᓪᓚᐅᔾᔨᓪᓗᑎᑦ ᐊᑐᓲᑦ ᑕᑯᔭᖅᑐᑎᑦᑎᓪᓗᑎᑦ ᐊᕐᕌᒍᑉ ᐃᓚᖓᓂ ᑮᓇᐅᔭᓕᐅᕈᑕᐅᑲᐃᓐᓇᖃᑦᑕᕐᒥᔪᖅ. 

ᐆᒪᔪᐃᑦ: 

ᑕᐃᒪᓐᓇᓴᐃᓐᓇᖅ ᒥᑭᔪᓂᑦ ᓄᓇᓕᓐᓂ ᓄᓇᕗᒥ, ᓄᓇᓕᓐᓂ ᑮᓇᐅᔭᓕᐅᕈᑎᖃᕋᓱᐊᓗᐊᙳᐊᓲᑦ ᓂᐅᕕᐊᒃᓴᖃᓲᖑᓪᓗᑎᑦ ᐱᔨᑦᑎᕋᖅᑐᑎᓪᓗ ᓄᓇᓕᒻᒥᐅᓄᑦ. ᐱᖅᑯᓯᑐᖃᖅᑎᒍᑦ ᑮᓇᐅᔭᓕᐅᕋᓱᐊᓲᑦ, ᓲᕐᓗᒃ ᐊᖑᓇᓱᓐᓂᒃᑯᑦ ᐃᖃᓗᒐᓱᐊᕐᓂᑯᓪᓗ, ᐊᑐᖅᑕᐅᓗᐊᙳᐊᖅᑐᖅ, ᐊᒻᒪᓗ ᓄᓇᓕᓐᓂ ᓴᓇᙳᐊᕐᓂᖅ ᑮᓇᐅᔾᔭᒃᓴᒍᑕᐅᓲᖅ ᐊᒥᓱᓄᑦ ᓴᓂᑭᓗᐊᕐᒥᐅᑕᓄᑦ. ᐴᓕᐅᓲᑦ ᐃᕕᖕᓂᒃ ᐊᑐᖅᑐᑎᑦ. ᒥᑭᔫᒐᓗᐊᖅ ᐳᓚᕋᖅᑐᓕᕆᓂᖅ ᐆᒪᔪᕐᓂᑦ, ᑎᖕᒥᐊᓂᑦ ᐊᒻᒪᓗ ᐊᐅᓪᓚᐅᔾᔨᓪᓗᑎᑦ ᐊᑐᓲᑦ ᑕᑯᔭᖅᑐᑎᑦᑎᓪᓗᑎᑦ ᐊᕐᕌᒍᑉ ᐃᓚᖓᓂ ᑮᓇᐅᔭᓕᐅᕈᑕᐅᑲᐃᓐᓇᖃᑦᑕᕐᒥᔪᖅ. 

ᐅᖃᓕᒫᑲᓐᓂᕐᓃᑦ : 
  • Bennett, John & Susan Rowley, eds. Uqalurait: an oral history of Nunavut. Montreal & Kingston: McGill-Queen’s University Press, 2004.
  • Dorais, Louis-Jacques. The language of the Inuit: syntax, semantics and society in the Arctic. Montreal & Kingston: McGill-Queen’s University Press, 2010.
  • Issenman, Betty Kobayashi. Sinews of Survival: the living legacy of Inuit clothing. Vancouver: UBC Press, 1997.
  • MacDonald, John. The Arctic sky: Inuit astronomy, star lore and legend. Iqaluit & Toronto: Nunavut Research Institute and Royal Ontario Museum, 1998.
  • McGhee, Robert. The last imaginary place: a human history of the Arctic world. Toronto: Key Porter Books, Canadian Museum of Civilization, 2004.
  • Morrison, David and Georges-Hébert Germain. Inuit: glimpses of an Arctic past. Hull: Canadian Museum of Civilization, 1995.
  • Najuqsivik Daycare. Bibliography of books on Sanikiluaq [online] http://www.najuqsivik.com/gateway/sanikiluaq/Publications.htm
  • Oakes, Jill E. Coats of eider = Vêtements d’eider. Winnipeg: Watson & Dwyer, 1990.
  • Pauktuutit Inuit Women of Canada. The Inuit way: a guide to Inuit culture, rev. ed. Ottawa: Pauktuutit Inuit Women of Canada, 2006. http://www.uqar.ca/files/boreas/inuitway_e.pdf