You are here

ᖃᒪᓂᑦᑐᐊᖅ

ᖃᒪᓂᑦᑐᐊᖅ

ᐊᕕᒃᑐᖅᓯᒪᓂᖓ: 
Kivalliq School Operations (KSO)

Community

ᑭᒃᑰᓂᕗᑦ
ᖃᓄᐃᑉᐸᓚᐅᕐᓂᖏᑦ: 

ᖃᒪᓂᑦᑐᐊᖅ ᑕᐃᒪᙳᓚᐅᖅᑐᖅ ᐃᒻᒪᑲᓪᓚᒃ ᐊᐅᔭᒃᑯᑦ ᐊᖑᓇᓱᖕᓂᕐᒧᑦ ᐃᖃᓗᒃᓯᐅᕐᓂᕐᒧᓪᓗ ᑲᑎᑕᐅᕝᕕᐅᖃᑦᑕᓚᐅᖅᓯᒪᓂᖓᓄᑦ, ᐅᓄᕐᑐᓄᓪᓗ ᐃᖏᕋᕝᕕᐅᒐᔪᒃᖢᓂ ᓄᓇᓕᐊᕐᑐᓄᑦ ᐅᕙᓘᓃᑦ ᑕᓯᐅᔭᕐᔪᐊᓕᐊᕐᑐᓄᑦ ᐊᑉᖁᓵᕐᕕᐅᒐᔪᒃᑐᖅ.  ᓄᓇᕗᒻᒥᓗᒃᑖᖅ  ᓄᓇᒥᐅᑕᓪᓚᕆᐅᔪᑦ , ᖃᒪᓂᑦᑐᐊᖅ ᑕᐃᔭᐅᔪᖅ ᖃᒪᓂᑐᐊᖅ ᐃᓄᖕᓄᑦ, ᑐᑭᖃᖅᑐᖅ “ᐊᖏᒡᓕᕙᓪᓕᐊᔪᖅ ᑰᒃ”.  ᖃᑉᓗᓈᑎᑐᑦ ᐊᑎᕐᑕᐅᓂᑯ ᐳᓛᕐᑐᒥᒃ ᑳᑉᑕᓐ ᑯᕆᔅᑕᕗ ᓂᐅᕕᖅᑎᒃᑯᓐᓂᑦ ᐱᓕᕆᔨᐅᔪᖅ 1762-ᖑᑎᓪᓗᒍ, ᐊᑦᑎᓚᐅᖅᑕᖓ ᑕᓯᖅ ᓲ ᐅᐃᓕᔭᒻ ᐸᐃᑯ-ᒥᒃ, ᓂᐅᕕᕐᑎᒃᑯ ᑲᒻᐸᓂᖓᓂᑦ ᒐᕙᓇᒋᔭᐅᔪᒥᒃ.

 

ᐃᓂᐅᔪᖅ ᐱᒻᒪᕆᐅᓂᖓ ᑲᑎᑦᑕᕐᕕᐅᓂᕐᒧᑦ, ᓂᐅᕕᖅᑎᒃᑯᑦ ᐋᕿᒃᓯᓚᐅᖅᑐᑦ ᑕᐅᕐᓰᑦᑕᕐᕕᖕᒥᑦ ᑕᐃᑲᓂ 1916-ᒥᑦ ᐊᒻᒪ ᕋᕕᓚᓐᕕᕆᐅᕆ Frères-ᒥᑦ 1924-ᖑᑎᓪᓗᒍ.    ᑕᒪᕐᒥᒃ ᑐᒃᓯᐊᕐᕖᑦ ᐊᑕᐅᑦᑎᒃᑯᑦ ᐃᖕᓚᓐᒥᑦ ᐊᔪᕆᕐᓱᐅᐃᔩᑦ ᐊᒻᒪ ᐃᒃᓯᕋᕐᔪᐊᑯᑦ ᓴᕿᑦᑎᓚᐅᕐᑐᑦ ᑐᒃᓯᐊᕐᕕᖕᓂᑦ ᑕᐃᑲᓂ 1927-ᒥᑦ.  ᑲᓇᑕᒥᒃ ᐸᓖᓯᒃᑯᑦ ᓅᓚᐅᕐᑐᑦ 1930-ᒥᑦ, ᐸᓖᓯᑕᖃᕐᓯᒪᓕᕋᓗᐊᕐᑎᓪᓗᒍ ᐊᕐᕋᒍᒐᓴᖕᓄᑦ.  1936-ᒥᑦ, ᓂᐅᕕᖅᑎᒃᑯᑦ ᓂᐅᕕᓚᐅᖅᑕᖓᑦ ᕋᕕᓚᓐ ᕕᕆᐅᕆ Frères-ᑯᑦ, ᐊᑕᐅᓯᖑᕐᖢᑎᒃ ᐊᐅᓚᑦᑎᓂᖏᑦ ᓅᖦᖢᑎᒃ ᐅᒃᐱᒃᑐᔪᒃ-ᒥᑦ ᓄᓇᒧᑦ, ᒫᓐᓇᐅᔪᖅ ᓄᓇᓕᐅᑉ ᐃᓂᒋᓕᖅᑕᖓ.  1940-ᖏᓐᓂᒃ ᐃᓱᓕᑉᐸᓪᓕᐊᓕᖅᑎᓪᓗᒋᑦ ᑲᓇᑕᐅᑉ ᒐᕙᒪᒃᑯᖏᑦ ᓯᓚᓕᕆᕝᕕᓕᐅᓚᐅᕐᑐᑦ, 1950-ᖏᓐᓂᑦ ᐋᓐᓂᐊᓯᐅᕐᕕᓕᐅᓚᐅᑦ ᐃᓕᓐᓂᐊᕐᕕᓕᐅᕐᖢᑎᒡᓗ.  1950-ᖏᓐᓂᑦ, ᑐᒃᑐᖃᐅᓗᐊᕈᓐᓃᓚᐅᕐᑐᑦ, ᓂᕿᑐᐊᕆᔭᐅᓪᓗᑎᒃ ᐊᒥᓱᓄᑦ ᐃᓚᔮᖏᓐᓄᑦ ᓄᓇᓕᐊᓛᒦᑦᑐᓂᑦ, ᑕᐃᒪᓐᓇᒧᑦ ᑲᓇᑕᐅᑉ ᒐᕙᒪᒃᑯᖏᑦ ᓅᑎᑦᑎᓕᓚᐅᖅᑐᑦ ᐃᓚᔮᖏᓐᓂᑦ ᓄᓇᓕᐊᓛᖓᓐᓂᑦ ᖃᒪᓂᑦᑐᐊᑉ ᐃᓂᒋᓕᖅᑕᖓᓄᑦ.  ᑕᐃᒪᓐᓇᒧᑦ, ᐃᓄᖏᑦ ᑕᐃᑲᓂ ᓇᑭᖔᕈᓗᔭᕐᓯᒪᔪᑦ ᐊᕕᒃᑐᕐᓯᒪᔪᓂᖔᕐᓂᖏᓐᓄᑦ ᐃᓄᒃᑕᖃᐅᖅᑐᖅ ᐅᖓᓯᖕᓂᖅᓴᒥᙶᖅᓯᒪᓂᑯᓂᒃ.  ᕼᐋᒻᓚᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᒃᑲᓃᑦ ᖃᒪᓂᑦᑐᐊᕐᒥᐅᑦ ᓇᑭᙶᕐᓂᕆᔭᖏᓐᓂᒃ ᐃᓄᐃᑦ ᐱᖅᑯᓯᖏᓐᓂᒡᓗ. (http://www.bakerlake.ca/)

 

ᓄᓇᕗᒻᒥ ᒐᕙᒪᒃᑯᖏᑦ (GN) ᐱᓕᕆᔨᖏᓐᓄᑦ ᓇᓗᓇᐃᔭᐃᓂᕐᒧᑦ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᖃᕐᑐᑦ ᐱᐅᔪᒻᒪᕆᖕᒥᑦ ᑲᑎᖅᓱᖅᓯᒪᔪᓂᒃ ᓇᑭᙶᕐᓂᖓᓂᑦ ᓄᓇᕗᒻᒥ, ᐊᑕᐅᑦᑎᒃᑯᑦ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᓇᑭᙶᕐᓂᖓᓂᒃ ᐅᓂᒃᑲᐅᓯᖃᓪᖢᑎᒃ ᖃᓄᖅ ᐃᓄᐃᑦ ᐱᖅᑯᓯᖓᑦ ᐃᓚᐅᑎᑕᐅᓂᖏᓐᓂᒃ ᒐᕙᒪᒃᑯᑦ ᐊᐅᓚᓐᓂᕆᔭᖏᓐᓄᑦ ᐱᔨᑦᑎᕋᐅᑎᖏᓐᓄᓪᓗ. ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᒃ ᐊᑐᐃᓐᓇᐅᓕᒃᑲᓐᓂᖅᐸᑦ ᐋᖅᑭᒃᓱᖅᑕᐅᕌᓂᒃᐸᑦ ᑐᑭᓯᒋᐊᒃᑲᓐᓂᕈᓐᓇᕐᑐᑎᑦ, ᒫᓐᓇᐅᔪᖅ ᓄᓇᕗᑦ ᒐᕙᒪᒃᑯᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᑕᕐᕕᖓᑦ ᖃᐅᔨᒋᐊᕐᕕᒋᔪᓐᓇᕐᑕᐃᑦ.  http://www.gov.nu.ca/

 

ᐃᓕᖅᑯᓯᖅ, ᐅᖃᐅᓯᖅ ᐊᒻᒪᓗ ᓄᓇᓕᖕᒥᑦ ᐃᓅᓯᖅ: 

ᔭᒐᐃᑦᑕᐃᓕᒪᓂᕐᒧᑦ ᐊᒻᒪ ᐃᓄᐃᑦ ᐅᖃᐅᓯᖓᑦ ᐃᓕᑕᕆᔭᐅᒃᑲᓐᕆᐊᖃᕐᓂᖏᓐᓄᑦ, ᓄᓇᓕᖕᒥᐅᑦ ᐃᒻᒪᓕᓴᐃᑦ ᐱᖅᑯᓯᖏᓐᓂᒡᓗ, ᓄᓇᓕᖕᒥᐅᑕᐃᑦ ᓴᕿᑦᑎᓚᐅᕐᑐᑦ ᖃᑦᖃᒥᐅᑦ ᖃᒪᓂᑦᑐᐊᖅ ᐃᑦᑕᕐᓂᑕᓕᕆᔨᒃᑯ ᑲᑎᒪᔨᐊᓛᓂᑦ, ᐊᐅᓪᓛᕐᑎᑦᑎᕙᒃᑐᑦ ᐊᐅᔭᒃᑯᑦ ᐃᓄᐃᑦ ᐱᖁᓯᑐᖃᖏᓐᓂᒃ ᐃᓕᓐᓂᐊᕐᑎᑦᑎᓪᓗᑎᒃ ᐊᕐᕌᒍᑕᒫᑦ.  (http://www.bakerlake.ca/summercamp.html) ᐃᓄᐃᑦ ᐃᓚᔮᕇᓄᑦ ᐊᐅᓚᑕᐅᓪᓗᓂ ᓯᓂᒃᑕᕆᐊᕐᑎᑦᑎᓪᓗᑎᒃ ᐊᐅᔭᒃᑯᑦ ᐃᓕᓐᓂᐊᕐᑎᑦᑎᓲᑦ ᐃᓄᐃᑦ ᐱᖁᓯᖏᓐᓂᒃ ᑭᑐᒥᐊᓄᑦ ᐃᓕᑦᑎᔪᒪᔪᓄᑦ.  ᖃᒪᓂᑦᑐᐊᖅ ᐊᖏᕐᕋᕆᔭᐅᔪᖅ ᐊᑯᒪᓕᒃ ᐳᓛᕐᑐᓕᕆᔨᒃᑯᓐᓄᑦ, ᓂᐅᕕᕐᕕᐅᓚᐅᖅᑑᑉ ᐃᓂᑐᖃᖓᓃᑦᑐᑦ ᓯᒡᔭᕐᐸᓯᖕᒥᑦ.  ᐊᐅᔭᒃᑯᑦ ᓄᓇᓕᖕᒥᑦ ᑕᑯᔭᒐᖃᒃᕕᖑᕐᑎᑕᐅᓲᖅ ᐳᓛᕐᑐᓕᕆᕙᒃᖢᑎᒡᓗ.  ᐃᓐᓇᐃᑦ ᑎᓕᐅᕆᓚᐅᕐᑐᑦ, ᖃᒪᓂᑦᑐᐊᖅ ᐃᓄᐃᑦ ᐃᑦᑕᕐᓂᑕᓕᕆᖁᔨᓪᓗᑎᒃ ᐱᓕᕆᕝᕕᒃᑕᖃᕐᑐᖅ, ᑕᑯᓐᓇᒐᒃᓴᓕᐊᖃᕐᖢᑎᒃ ᐃᓅᓯᕆᔭᐅᕙᓚᐅᖅᑐᓂᒃ ᐱᖁᓯᓂᒃ ᖃᓄᖅᓄᓇᒥᑦ ᐃᓅᕙᓚᐅᕐᓂᖏᓐᓄᑦ. (http://www.bakerlake.ca/cultural_centres.html) ᐱᖓᓱᓂᒃ ᐊᔾᔨᒌᖏᑦᑐᑦ ᐅᒃᐱᕐᓂᓖᑦ ᑐᒃᓯᐊᕐᕕᖃᖅᑐᑦ ᖃᒪᓂᑦᑐᐊᕐᒥᑦ: ᐊᔪᕆᕐᓱᐃᔩᑦ, ᐃᒃᓯᕋᕐᔪᐊᑦ ᐱᓐᑎᑳᔅᑐᒃᑯᓪᓗ.  ᐸᕼᐃ-ᓄᑦ ᐃᒡᓗᕐᔪᐊᖅᑕᖃᕐᒥᔪᖅ.  ᕿᒥᕐᕈᒍ ᐅᖄᓚᐅᑏᑦ ᓇᓗᓇᐃᕐᑕᐅᓯᒪᔪᑦ ᑐᑭᓯᔪᒪᒍᕕᑦ.

 

ᖃᒪᓂᑦᑐᐊᖅ ᐱᖅᑯᓯᖃᕐᕕᒋᔭᐅᕙᓚᐅᖅᑐᒥᑦ ᑐᒃᑐᐃᑦ ᐃᓄᐃᑦ ᓄᓇᒋᕙᓚᐅᖅᑕᖓᓐᓃᑦᑐᖅ, ᓄᓇᒥᐅᑕᑐᐊᑦ ᐃᓄᐃᑦ ᑲᓇᑕᒥᑦ.  ᑕᐃᑉᓱᒪᓂᑲᓪᓚᒃ ᑕᕆᐅᑉ ᐊᑭᐊᓂᕐᒥᐅᑕᓂᒃ ᐅᐸᒡᑕᐅᓯᒪᓕᕐᓯᒪᔪᑐᖃᐃᑦ ᑕᐃᒪᐃᓐᓂᖓᓄᑦ ᐅᖃᐅᓯᖏᑦ ᐃᒪᐃᓕᖓᔪᒃᓴᐅᔪᑦ, 2011-ᒥᑦ ᓈᓴᕐᑕᐅᑎᓪᓗᒋᑦ ᓇᓗᓇᐃᕐᓯᒪᔪᑦ ᐅᖃᐅᓰᑦ ᓇᑭᑐᐃᓐᓈᕐᓯᒪᔪᑦ ᑕᑯᓪᓗᒋᑦ ᐊᓯᖏᑦ ᓄᓇᕗᒻᒥ ᓄᓇᓕᖏᓐᓃᑦᑐᓂᒃ.  ᐃᓄᒃᑎᑐᑦ ᖃᒪᓂᑦᑐᐊᕐᒥᐅᑕᓗᒃᑖᑲᓴᐃᑦ ᐅᖃᓪᓚᒡᑐᑦ: 64%-ᔪ

ᖑᔪᑦ ᐃᓄᒃᑎᑐᑦ ᐅᖃᕐᓂᖅᓴᐅᔪᑦ 2011-ᒥᑦ ᓈᓴᕐᑕᐅᓂᖏᓐᓂᒃ ᓇᓗᓇᐃᕐᓯᒪᔪᑦ, 35%-ᖑᔪᑦ ᖃᑉᓗᓈᑎᑐᑦ, ᐅᓄᖏᑦᑐᑦ ᐅᐃᕖᑎᑑᕐᑐᑦ, ᑭᓯᐊᓂ, ᑕᒪᕐᒥᑲᓴᑦ ᐃᓄᖁᑎᖏᑦ, 96%-ᖑᔪᑦ, ᖃᑉᓗᓈᑎᑐᑦ ᐅᖃᓪᓚᖃᑦᑕᖅᑐᑦ, 2%−ᑲᓴᐃᑦ ᖃᑉᓗᓈᑎᑐᑦ ᐊᒪᓗ ᐅᐃᕖᑎᑐᑦ ᐅᖃᓪᓚᒍᖕᓇᖅᑐᑦ, 4%-ᖑᔪᑦ ᐃᓄᒃᑎᑐᐃᓐᓇᖅ ᐅᖃᓪᓚᒍᖕᓇᖅᑐᑦ.  ᐊᖏᕐᕋᒥᓂᒃ, ᐃᓄᒃᑎᑐᑦ ᐅᖃᓪᓚᒃᓂᕐᓴᐃᑦ 28%-ᖑᔪᑦ, ᖃᑉᓗᓈᑎᑑᕐᓂᖅᓴᐃᑦ 72%-ᖑᔪᑦ. ᐃᓄᒃᑎᑐᑦ ᐅᖃᓰᑦ ᐊᔾᔨᒌᖏᓐᓂᖏᓐᓄᑦ ᓄᓇᕗᒻᒥᐅ ᓄᓇᓕᖏᓐᓂᒃ, ᐊᓯᐊᓂᒃ ᐃᓄᒃᑎᑐᑦ ᐅᖃᕈᓐᓇᕈᕕᑦ ᐊᓯᐊᓂ ᓄᓇᓕᖕᒥᐅᑎᑐᑦ ᖃᒪᓂᑦᑐᐊᕐᒥᐅᓄᑦ ᐅᖃᐅᓯᖏᓐᓂ ᑐᑭᖏᓐᓂ ᐅᖃᐅᔾᔪᕐᑕᐅᓂᐊᕐᑐᑎ.  ᐃᓄᐃᑦ ᐅᖃᐅᓯᖏᑦ (ᐃᓄᒃᑎᑐᑦ ᐃᓄᐃᓐᓇᖅᑐᓐ), ᖃᑉᓗᓈᑎᑐᑦ ᐊᒻᒪ ᐅᐃᕖᑎᑐᑦ ᐊᑐᓕᖁᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥᑦ, ᐱᔪᖕᓇᐅᑎᖃᖅᑐᑎᑦ ᒐᕙᒪᒃᑯᑦ ᐱᔨᑦᑎᕐᑎᖏᓐᓄᑦ ᐅᖃᐅᓯᓕᕆᔨᒃᑯᓐᓄ ᓇᓕᐊᑐᐃᓐᓇᕐᒥᑦ ᐅᖃᐅᓯᕐᓂᒃ ᐱᔨᑦᑎᕐᑕᐅᔪᒪᓗᑎᑦ.

 

ᖃᒪᓂᑦᑐᐊᖅ ᐅᓄᕐᓂᖏᑦ ᕿᑎᐊᓃᑦᑐᖅ ᓄᓇᕗᒻᒥᑦ ᓄᓇᓕᓗᒃᑖᖓᓂᑦ.  2011-ᒥᑦ ᓈᓴᕐᑕᐅᓃᑦ ᓇᓗᓇᐃᕐᑕᐅᓯᒪᓂᖏᑦ, ᒫᓐᓇᐅᔪᖅ ᓯᑕᒪᒋᔭᐅᔪᖅ ᐅᓄᕐᓂᖏᓐᓄᑦ ᐃᓄᖏᑦᑕ ᐊᖏᓂᕆᔭᖏᓄᑦ, 1900 ᕈᔪᐃᑦ ᑕᐃᑲᓂᕐᒥᐅᑕᐅᔪᑦ.  ᐅᓄᕐᓂᖏᑦ ᒪᒃᑯᒃᑑᒐᓗᐊᖅᑎᓪᓗᒋᑦ ᑲᓇᑕᐅᑉ ᒪᓕᒃᑕᖏᑦᑎᒍᑦ, ᓄᓇᕗᒻᒥᐅᑕᓂᒃ ᐃᓄᐃᑦ ᐅᓄᕐᓂᕐᐹᑦ .  2011-ᒥᑦ ᓈᓴᕐᑕᐅᓃᑦ ᓇᓗᓇᐃᕐᑕᐅᓂᖏᓐᓂᒃ, 225-ᖑᔪᑦ ᐃᓕᓐᓂᐊᕆᐅᕐᓴᕐᓂᐊᓕᓵᕐᑐᑦ ᐊᒻᒪ 500-ᖑᔪᑦ ᐃᓕᓐᓂᐊᕐᑐᑦ, ᑕᐃᒪᒻᒪᑦ 39%-ᖑᔪᑦ 18 ᑐᖔᓂ ᐊᕐᕌᒍᓖᑦ.  ᕿᑎᐊᓃᑦᑐᑦ 22-ᓂᒃ ᐊᕐᕌᒍᓖᑦ, 5%ᖑᔪᑦ 65 ᐅᖓᑖᓂᑦ ᐊᕐᕋᒍᓖᑦ.

ᑮᓇᐅᔾᔭᒃᓴᕈᑕᐅᔪᑦ: 

ᖃᒪᓂᑦᑐᐊᖅ ᖁᕕᐊᒋᔭᖃᖅᑐᖅ ᐊᔾᔨᒌᖏᑦᑐᓂᒃ ᐱᕈᖅᐸᓪᓕᐊᓂᖃᕐᓂᕐᒥᒃ, ᐱᓕᕆᕝᕕᒃᑕᖃᕐᓂᖓᓄᑦ ᒐᕙᒪᒃᑯᓐᓂᑦ, ᓄᓇᓕᖕᒥᑦ ᐱᔨᑦᑎᕐᑎᖃᕐᖢᑎᒃ, ᐅᔭᕋᕐᓯᐅᕐᑎᒃᑯᓐᓂᑦ, ᓴᓇᐅᒐᓕᐅᕐᓃᑦ, ᐳᓛᕐᑐᓕᕆᓃᓪᓗ, ᐊᒻᒪ ᐊᖑᓇᓱᒡᐸᒃᖢᑎᒃ ᐃᖃᓗᒃᓯᐅᕐᖢᑎᒡᓗ ᓂᕆᓂᐊᕐᑕᒥᓂᒃ.  ᖃᒪᓂᑦᑐᐊᖅ ᓄᓇᓕᖕᓂᑦ ᐃᓚᒋᔭᐅᔪᖅ ᐃᑲᔫᓯᐊᖃᕐᓂᖓᓄᑦ ᐱᕈᖅᐸᓪᓕᐊᓂᕐᒧᑦ ᐃᓂᒋᔭᐅᓂᖓᒍᑦ ᓄᓇᕗᑦ ᒐᕙᒪᒃᑯᑦ ᐊᓪᓚᒡᕕᖃᕐᓂᖓᓄᑦ.  ᐊᐅᓚᑦᑎᕕᒃ ᓂᐊᖂᑎᖃᕐᕕᒋᔭᐅᓪᓗᓂ ᖁᓪᓕᖅ ᐆᒻᒪᖅᑯᑎᓕᕆᔩᑦ ᑯᐊᐳᕇᓴᓐᑯᓐᓄᑦ (ᓄᓇᓕᒡᔪᐊᒥᒃ ᐃᑯᒻᒪᖁᑎᓕᕆᔨᒃᑯᑦ), ᓄᓇᕗᒻᒥ ᐅᖃᓕᒫᖃᕐᕖᑦ ᓂᐊᖁᑎᖓ ᐊᓪᓚᒡᕕᒃᑕᓕᒃ, ᐊᓪᓚᒡᕕᖃᕐᖢᓂᒃ ᕿᑎᖕᓂᒃᑯ ᓵᓚᖃᕋᓱᐊᕐᕕᒃ ᐊᒻᒪ ᕿᑎᒃᑎᑦᑎᓃᑦ.  ᐊᓪᓚᒡᕕᖃᕆᓪᓗᓂ ᐃᓕᓐᓂᐊᕐᕕᖕᓄᑦ ᐊᐅᓛᖅᑎᑦᑎᔪᓄᑦ, ᑭᕙᓪᓕᐅᑉ ᐃᓕᓐᓂᐊᕐᕕᖏᓐᓂᒃ ᐊᕕᒃᑐᕐᓯᒪᔫᑉ ᓄᓇᓕᖏᓐᓂᒃ ᐅᑦᔨᕐᑐᐃᔩᑦ.  ᐅᔭᕋᕐᓯᐅᕐᑏᑦ ᑭᓇᐅᔾᔭᒃᓴᐃᓯᒪᔪᒻᒪᕇᑦ ᓄᓇᓕᖕᒥᐅᓂᒃ, ᓯᓚᑎᐊᓂᒃ ᐊᐳᖅᑎᓐᓈᖅᑐᒥᑦ ᒎᓗᒧᑦ ᐅᔭᕋᖕᓂᐊᕐᕕᒃ ᒫᓐᓇᐅᔪᖅ ᐱᓕᕆᐊᒃᓴᖃᓕᕐᑎᑦᑎᓯᒪᔪᖅ ᐊᒻᒪ ᑭᒡᒐᕕᖕᒧᑦ ᓄᖑᓱᐃᑦᑐᒥᒃ ᐅᔭᕋᖕᓂᐊᕐᕕᐅᔪᒪᓪᓗᓂ ᐱᕙᓪᓕᐊᓂᖃᓕᕐᒥᔪᖅ. (http://www.bakerlake.ca/development.html)

 

ᖃᒪᓂᑦᑐᐊᖅ ᐃᓕᑕᕆᔭᐅᓯᒪᓂᖃᖅᑐᖅ ᓄᓇᕐᔪᐊᕐᒥᑦ ᓴᓇᐅᒐᓕᕆᓂᕐᒧᑦ.  1950-ᖏᓐᓂᑦ, ᓱᓇᙳᐊᖅᑏᑦ ᖃᒪᓂᑦᑐᐊᕐᒥᐅᑕᐃᑦ ᐱᕙᓪᓕᐊᖓᐅᑕᐅᓚᐅᕐᑐᑦ ᐅᑭᐅᕐᑕᖅᑐ ᐅᑦᔨᕆᔭᐅᕙᓪᓕᐊᓕᕐᑎᓪᓗᒍ ᑎᑎᕐᑐᒐᕐᖢᑎᒃ ᐅᒃᑯᓯᒃᓴᓂᒃ.  ᑕᖅᓯᖅᑐᖅᓯᒪᔪᓂᑦ ᐊᑭᓐᓇᕐᒥᐅᑕᓂᒃ ᖃᐅᔨᒪᔭᐅᑦᑎᐊᕐᒥᔪᑦ, ᐱᓕᕆᐊᖏᓐᓄᑦ ᔭᓯ ᐅᓈᖅ-ᒧᑦ.  ᓄᓇᓕᖕᒥᑦ ᓴᓇᙳᐊᖅᑏᑦ ᓴᓇᙳᐊᖃᑦᑕᖅᑐᑦ ᕿᓂᖅᑐᒥᑦ ᐅᒃᑯᓯᒃᓴᒥᑦ, ᒥᖅᓱᖅᑏᑦ ᐊᓐᓄᕌᓕᐅᓲᖑᓪᓗᑎᒃ ᐃᑦᑕᓂᓕᓴᕐᓂᑦ ᒫᓐᓇᒨᓕᖓᔪᓂᒃ.  ᓴᕕᕋᔭᒃ ᑲᑎᒪᔨᐊᓛᑦ ᐃᓄᐃᑦ ᓇᒡᒍᐊᕐᒥᓕᐅᕐᑏᑦ ᐃᓚᒋᔭᐅᖃᑕᐅᓯᒪᔪᑦ ᐱᐅᔪᓂᒃ ᓇᒡᒍᐊᕐᒥᐅᑕᓕᐅᓲᖑᓪᓗᑎᒃ.  ᓂᐅᕕᐊᒃᓴᖁᓲᑦ ᓴᓇᐅᒐᖏᓐᓂᒃ ᓇᓗᓇᐃᕐᓯᒪᔪᑦ ᖃᒪᓂᑦᑐᐊᑉ ᓴᓇᖑᐊᕐᑏᑦ ᖃᕋᓴᐅᔭᒃᑯᑦ ᑕᑯᔭᐅᒋᐊᖅᑕᕐᕕᖓᓂᑦ. (http://www1.bakerlakearts.com/?kw=art+gallery) ᐳᓛᕐᑐᓕᕆᔨᒃᑯᑦ ᐱᖅᑯᓯᓕᕆᔨᒃᑯᓪᓗ ᐊᖏᔫᖕᒥᔪᑦ ᐃᓕᑕᕆᔭᐅᓯᒪᔪᑦ.  ᐅᓄᕐᑐᑦ ᐳᓛᑐᑦ ᐱᓕᕆᑎᑦᑎᖃᑦᑕᖅᑐᑦ ᓄᓇᓕᖕᒥᐅᓂᒃ ᖃᐅᔨᒪᔨᑕᕆᔭᐅᓪᓗᑎᒃ ᐊᖑᓇᓱᒃᑎᑦᑎᕙᒃᖢᑎᒃ ᐊᒻᒪ ᐃᖃᓪᓕᐊᕈᔾᔨᕙᒃᖢᑎᒃ.

ᓄᓇᕗᒻᒥ ᓄᓇᓕᖏᒥᐅᑕᐅᖃᑎᖏᑎᑐᑦ, ᑮᓇᐅᔭᒃᑯᕕᖃᙱᑦᑐᖅ ᖃᒪᓂᑦᑐᐊᕐᒥᑦ, ᑮᓇᐅᔭᐃᑦ ᐊᒥᒐᓕᓲᑦ.  ᓂᐅᕕᕐᕖᑦ ᑯᐊᐸᒃᑯᓪᓗ “ᑮᓇᐅᔭᓕᕆᐊᕐᔪᓲᑦ” ᐱᔨᑦᑎᕐᖢᑎᒃ, ᑮᓇᐅᔭᓂᒃ ᐸᐸᑦᑎᕙᒃᖢᑎᒃ, ᑮᓇᐅᔭᒃᓴᓂᒃ ᑮᓇᐅᔭᙳᖅᑎᑦᑎᓂᕐᓂᑦ, ᐊᓯᖏᓐᓂᒃᓗ.  ᐊᐅᒃᑕᔫᑦ ᐊᒪᓗ ᐊᑮᑦᑐᖅᓯᓂᕐᒧᑦ ᐊᐅᒃᑕᔫᑦ ᐊᑐᖅᑕᐅᔪᖕᓇᖅᑐᑦ ᓂᐅᕕᕐᕕᖕᓂᑦ.  ᑕᐃᑯᙵᕆᐅᖅᑐᑦ ᖃᕋᓴᐅᔭᒃᑯᑦ ᑮᓇᐅᔭᓕᕆᓂᕐᒧᑦ ᐱᔨᑦᑎᕐᑕᐅᖁᔭᐅᔪᑦ ᒃ ᐊᑮᑐᓂᒃ ᐊᑭᓕᖅᑐᐃᓂᕐᒧᑦ, ᐱᓗᐊᖅᑐᒥᑦ ᑎᑎᖅᑲᓕᕆᕝᕕᒃᑰᖅᑎᑦᑎᓂᖅ ᓯᓚᕐᓘᒻᒧᑦ ᓄᖅᑲᖓᑎᑦᑎᔪᖕᓇᖅᑎᓪᓗᒍ ᐃᖏᕐᕋᔾᔪᑎᓂᒃ.

ᐆᒪᔪᐃᑦ: 

ᖃᒪᓂᑦᑐᐊᖅ ᐊᖏᕐᕋᕆᔭᐅᔪᖅ ᐊᒥᓱᓄᑦ ᓄᓇᒥᐅᑕᓄᑦ ᓂᕐᔪᑎᓄᑦ: ᐅᒥᖕᒪᐃᑦ, ᖃᑯᖅᑐᑦ ᐊᒪᕈᐃᑦ, ᑐᒃᑐᕙᐃᑦ, ᐊᒃᖤᐃᑦ, ᖃᕝᕖᑦ, ᑭᒡᒐᕕᐊᕐᔪᐃᑦ  ᐊᒻᒪ 10,000-ᖏᓐᓂᑦ ᐅᖓᑖᓂᑦ ᑎᖕᒥᐊᑦ, 60 ᐊᔾᔨᒌᖏᑦᑐᑦ ᑎᖕᒥᐊᖃᐅᕐᖢᑎᒃ.  ᓄᓇ ᖃᐅᔨᒪᕙᐅᔪᖅ, ᑭᓯᐊᓂ, ᑐᒃᑐᖏᓐᓄᑦ ᓅᑉᐸᒃᑐᓄᑦ: 275,000-ᖑᔪᑦ ᐸᕗᓕ ᐊᒥᕐᕋᐃᑦ, ᐃᑳᖃᑦᑕᖅᑐᑦ Thelon ᑏᓛᓐ ᑰᒃᑯᑦ ᐃᑳᕐᕕᐅᓲᑦ ᑐᒃᑐᓄᑦ ᐊᕐᕌᒍᑕᒫᑦ, ᐊᒻᒪ 500,000-ᖑᔪᑦ ᓴᙱᔪᒻᒪᕇᑦ ᖃᒪᓂᕐᔪᐊᖅ ᐊᒥᕐᕋᖏᑦ ᓅᖃᑦᑕᖅᑐᑦ Kazan ᑰᒃᑯᑦ.  ᑕᓰᑦ ᐃᖣᕋᖃᐅᖅᑐᑦ ᐊᒻᒪ ᓱᓗᒃᐸᐅᒐᓂᒃ.  ᐱᖓᖕᓇᒃᑲᓐᓂᐊᓂᑦ, ᐊᑯᓐᓂᖓᓂᑦ ᖃᒪᓂᑦᑐᐊᖅ ᔭᓗᓇᐃᓗ, 52,000 ᑭᓚᒥᑕᓂᒃ ᐅᖓᓯᖕᓂᓕᒃ Thelon ᓂᕐᔪᑎᓄᑦ ᐃᓂᒋᔭᐅᔪᖅ, ᓴᖅᑭᑕᐅᓚᐅᖅᑐᖅ 1927-ᒥᑦ ᒥᐊᓂᕆᔭᐅᖁᒧᑦ ᐅᒥᖕᒪᐃᑦ.

 

ᖁᐱᕐᕈᐃᑦ ᐊᒥᓲᖃᑦᑕᖅᑐᑦ ᐊᐅᔭᒃᑯᑦ, ᐱᓗᐊᖅᑐᒥᑦ ᕿᒃᑐᕆᐊᑦ ᒥᓗᒋᐊᑦᓗ, ᑕᐃᒪᓐᓇᒧᑦ ᕿᒃᑐᕆᐊᖅᓯᐅᑎᖃᐃᓐᓇᕆᐊᖃᖅᑐᑦ ᐊᒻᒪ ᖁᐱᕐᕈᑕᐅᓂᐊᖏᑦᑐᓂᒃ ᐊᓐᓄᕌᓯᒪᔭᕆᐊᓖᑦ.

ᐅᖃᓕᒫᑲᓐᓂᕐᓃᑦ : 
  • ᓴᓇᙳᐊᒐᓄᑦ ᐊᒪᓗ ᑮᓇᐅᔭᓄᑦ ᑲᑎᓯᒪᔪᑦ. ᓴᓇᙳᐊᒐᓄᑦ ᐊᒪᓗ ᑮᓇᐅᔭᓄᑦ ᑲᑎᓯᒪᔪᑦ . Toronto: XYZ Books, 2009.
  • Bennett, John & Susan Rowley, eds. ᐅᖃᓗᕋᐃᑦ: ᐅᖃᐅᓯᖅ ᓇᑭᙶᕐᓂᖓᓂᑦ ᓄᓇᕗᑦ. Montreal & Kingston: McGill-Queen’s University Press, 2004.
  • Dorais, Louis-Jacques. ᐅᖃᐅᓯᖓᑦ ᐃᓄᖕᓄᑦ syntax, semantics ᐊᒻᒪᓗ ᐃᓅᖃᑎᒌᑦ ᐅᑭᐅᖅᑕᖅᑐᒥᑦ. Montreal & Kingston: McGill-Queen’s University Press, 2010.
  • Eber, Dorothy Harley. When the whalers were up North. Montreal & Kingston: McGill-Queen’s University Press, 1989
  • Fossett, Renee. ᐃᓅᓂᐊᕐᓗᓂ ᐃᖢᐃᓐᓂᖃᙱᑦᑐᒃᑯᑦ: ᐃᓄᐃᑦ ᐅᑭᐅᖅᑕᖅᑐᒥᐅᑕᐃᑦ, 1550-1940. Winnipeg: University of Manitoba Press, 2001.
  • Issenman, Betty Kobayashi. ᐊᓐᓄᕌᑦ ᐆᒪᓂᕐᒧᑦ: ᐆᒪᔪᑦ ᐃᓄᐃᑦ ᐊᓐᓄᕌᖏᑦ. Vancouver: UBC Press, 1997.
  • MacDonald, John. The Arctic sky: ᐃᓄᐃᑦ ᓯᓚᓕᕆᓂᖓᑦ, ᐅᓪᓗᕆᐊᓕᕆᓂᖅ. ᐃᖃᓗᐃᑦ & Toronto: Nunavut Research Institute and Royal Ontario Museum, 1998.
  • McGhee, Robert. The last imaginary place: ᐃᓄᐃᑦ ᓇᑭᙶᕐᓂᖏᑦ ᐅᑭᐅᖅᑕᖅᑐᒥᑦ. Toronto: Key Porter Books, Canadian Museum of Civilization, 2004.
  • Morrison, David and Georges-Hébert Germain. ᐃᓄᐃᑦ: ᑕᐃᔅᓱᒪᓂᒥᑦ ᐅᑭᐅᖅᑕᖅᑐᒥᑦ ᑕᑯᓂᖅ. Hull: Canadian Museum of Civilization, 1995.
  • Pauktuutit Inuit Women of Canada. ᐃᓄᐃᑦ ᐊᑐᖅᑕᖓᑦ: ᐊᑐᖅᑕᐅᔪᒃᓴᖅ ᐃᓄᐃᑦ ᐱᖅᑯᓯᖓᓄᑦ, rev. ed. Ottawa: Pauktuutit Inuit Women of Canada, 2006. http://www.uqar.ca/files/boreas/inuitway_e.pdf
  • ᑐᑯᒻᒥᖅ, ᓴᐃᒪᓐ, ᐱᖃᑎᒋᑉᓗᒍ: ᐊᖓᒃᑰᑉ ᖃᖏᐊᖓᑕ ᐃᓅᓯᐊ ᐅᑭᐅᖅᑕᖅᑐᒥᑦ. Toronto: Stoddart Kids, 1999.
  • ᑐᓗᕆᐊᓕᒃ, ᕉᑦ ᐊᕐᓇᖅᑑᓯ ᐊᒪᓗ David F. Pelly: ᕿᑳᓗᒃᑐᑦ: ᐊᔾᔩᑦ ᐃᓄᐃᑦ ᐃᓅᓯᖓᓐᓂᑦ. Toronto: Oxford University Press, 1988.